ប្រពន្ធ David Beckham នឹងវិលចូលក្រុមចម្រៀងខ្លួនវិញ ក្រោយផ្អាកយូរ

2018-02-03 04:13:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមចម្រៀងនារីអង់គ្លេសដែលបង្កើតឡើងតាំងពីឆ្នាំ ១៩៩៤ មានឈ្មោះថា Spice Girls នឹងចាប់ដៃគ្នាជាថ្មី ក្រោយបាត់មុខមួយរយៈធំ។

ទោះបីមានអាយុកាលច្រើនទៅហើយក្ដី ស្របពេលសមាជិកម្នាក់ៗមានការងាររវល់រៀងខ្លួនក៏ពិតមែន ប៉ុន្តែក្រុមចម្រៀងប៉ុបនារីមួយនេះ នៅតែឈរជើងជាប់មិនដួលទាល់តែសោះ។ ជាក់ស្ដែងថ្ងៃនេះ អ្នកជំនាញច្នៃម៉ូដ ដែលត្រូវជាភរិយារបស់ David Beckham គឺ Victoria បានបង្ហោះរូបជុំគ្នាដ៏កម្រ១ ជាមួយសមាជិកទាំងអស់ក្នុងក្រុម ដែលបង្កឲ្យមហាជន ពិសេសអ្នកគាំទ្រក្រុម Spice Girls មានការភ្ញាក់ផ្អើលមិនស្ទើរទេ។

ជាមួយគ្នានោះ បើតាមព័ត៌មានដែលបានចុះផ្សាយ ក្រុមនេះអាចនឹងវិលមកសាជាថ្មីរួមគ្នា ហើយអ្នកគាំទ្រក៏កំពុងទន្ទឹងរង់ចាំសមិទ្ធផលថ្មីនោះដែរ។

រូបពីមុន

Spice Girls បង្កើតឡើងដំបូងក្នុងឆ្នាំ ១៩៩៤ ដោយមានសមាជិក ៥នាក់ដូចជា៖ Mel B, Victoria Beckham, Emma Bunton, Mel C, និង Geri Halliwell។ បទដំបូងបង្អស់របស់ក្រុម មានចំណងជើងថា "Wannabe” ចេញក្នុងឆ្នាំ ១៩៩៦ ដែលជាបទចម្រៀងល្បី១ ក្នុងចំណោមបទចម្រៀងល្បីផ្សេងទៀតកាលពីជំនាន់នោះ៕