ដើម្បីការងារអស្ចារ្យរបស់ខ្លួន បុរសចិន ទ្រាំជិះកង់ឆ្លងទ្វីបចំងាយ ១៦ ០០០ គីឡូម៉ែត្រ និងចំណាយពេល១ឆ្នាំ

2018-02-03 04:29:32
ចំនួនមតិ 0 | ចំនួនចែករំលែក 0

ចន្លោះមិនឃើញ

Yuan Jianglei បានជិះកង់របស់លោកពីអាហ្វ្រិកទៅចិន ដែលមានចំងាយ ១៦ ០០០ គីឡូម៉ែត្រ ចំណាយពេលជិតមួយឆ្នាំក្នុងការបញ្ចប់ ដើម្បីប្រមូលថវិកាទៅជួយសហគមន៍ក្រីក្រមួយនៅក្នុងប្រទេសបេនីន (Benin) ភាគខាងលិចនៃទ្វីបអាហ្រ្វិក។ នេះបើតាមសារព័ត៌មាន Nextshark របស់ចិនទើបចុះផ្សាយ។

បុរសវ័យ២៦ឆ្នាំ បានត្រលប់ទៅប្រទេសបេនីន ដើម្បីធ្វើតាមពាក្យសន្យាដើម្បីតម្លើងបន្ទះសូឡា ធ្វើអណ្តូងទឹកមួយនៅទីនោះ។ Yuan បានទៅប្រទេសបេនីនដំបូងកាលពីឆ្នាំ ២០១៤ បន្ទាប់ពីរៀនចប់ផ្នែកសារព័ត៌មាន។ ប្រភពខាងលើបន្ត។

នៅទីនោះលោកបានចំណាយពេល ២ ឆ្នាំដើម្បីបង្រៀនភាសាចិននៅវិទ្យាស្ថានខុងជឺនៅប្រទេសបេនីនដែលជាប្រទេសក្រីក្របំផុតមួយនៅទ្វីបអាហ្វ្រិក។ នៅឆ្នាំ ២០១៦ Yuan បានជិះកង់ត្រលប់ទៅស្រុកកំណើតនៅចិនវិញ ដោយឆ្លងកាត់ប្រទេសចំនួន ១៦ និងប្រើពេល ៣៦០ថ្ងៃ។

មានម្តងនោះនៅពេលកំពុងជិះកង់ក្នុងប្រទេស Mauritania (ភាគខាងលិចសមុទ្រខ្សាច់សាហារ៉ា)លោកត្រូវបង្ខំចិត្តឡើងជិះរថភ្លើងដោយសារតែវីសាសល់តែ៣ថ្ងៃប៉ុណ្ណោះនឹងផុតកំណត់ក្នុងប្រទេសនោះ។ បុរសអាស៊ីបានរំលឹកទៀតថា នៅពេលមួយ លោកត្រូវបានមនុស្សមិនស្គាល់គ្នាសោះជួយយកអាសា បើកុំអីនឹងវីវរធំ។

"នៅពេលខ្ញុំជិះកង់ក្នុងប្រទេស Burkina Faso(មានព្រំប្រទល់ជិត កូតឌីវ័រ តូហ្គោ និង ហ្គាណា ជាដើម) ខ្ញុំមានជំងឺគ្រុនចាញ់យ៉ាងធ្ងន់ធ្ងរ។ អ្នកស្រុក បានជួយខ្ញុំដាក់តាមម៉ូតូយកទៅមន្ទីរពេទ្យ។ ហើយខ្ញុំក៏បានធូរស្បើយនៅ៤ម៉ោងក្រោយមក"។ Yuan បាននិយាយ។

នៅពេលមកដល់ប្រទេសចិនកាលពីខែសីហាឆ្នាំ ២០១៧ លោកបានធ្វើភាពយន្តឯកសារមួយស្តីពីការធ្វើដំណើររបស់លោកឆ្លងកាត់នៅទ្វីបអាហ្រ្វិក ហើយនិស្សិតបញ្ចប់ថ្នាក់សារព័ត៌មានរូបនេះ បានទៅជួបសហគ្រាស ប្រជាជននានាក្នុងប្រទេសចិន ដើម្បីប្រមូលមូលនិធិទៅជួយប្រទេសក្រីក្រទាំងនោះ។

បន្ទាប់ពីទទួលបានថវិការៃអង្គាសរាប់ម៉ឺនដុល្លារពីក្រុមហ៊ុនផលិតថាមពលមួយដ៏ល្បីនៅចិន Yuan សន្យាថានឹងត្រលប់ទៅជួយប្រជាជននៅសហគមន៍ក្រីក្រមួយនៅក្នុងប្រទេសបេនីនបន្ទាប់ពីចូលឆ្នាំចិនរួច។ ប្រភពខាងលើបន្ថែម៕

ប្រភព៖ nextshark ប្រែសម្រួល៖ សុខ លាងហ៊ត

ពាក្យទាក់ទង

ព័ត៌មានសង្គមអន្តរជាតិ ចិន

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

អត្ថបទថ្មី

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?

៣ ចំនុចដែលអ្នកគួរដឹង បើចង់ក្លាយជាម្ចាស់មកុដ MUC 2024