មង្គលការ Taeyang និងភរិយា Hyo Rin ប្រជុំសុទ្ធតែព្រឹត្តិការណ៍អស្ចារ្យកើតឡើង

2018-02-04 02:54:12
ចំនួនមតិ 0 | ចំនួនចែករំលែក 0

ចន្លោះមិនឃើញ

មង្គលការកំពូលតារាចម្រៀងរបស់កូរ៉េ Taeyang និងតារាសម្ដែង Min Hyo Rin បានបញ្ចប់ទៅដោយបានកត់ត្រានូវព្រឹត្តិការណ៍រីករាយមិនអាចបំភ្លេចបាន។

ទោះបីមង្គលការរបស់តារាប្រុស្រី១គូនេះ ធ្វើឡើងជាលក្ខណៈឯកជន ប៉ុន្តែរូបថតក្នុងពិធីមួយចំនួនក៏ត្រូវបានបង្ហាញជាសាធារណៈ ជាហេតុនាំឲ្យអ្នកប្រើប្រាស់បណ្ដាញអ៊ីនធឺណិតនាំគ្នាចែកចាយពេញ។ ជាការពិតថ្ងៃទី ០៤ ខែកុម្ភៈនេះ ខាងផលិតកម្មទាំងសងខាងបានបង្ហាញរូបថតអាពាហ៍ពិពាហ៍របស់ Taeyang និងភរិយា Min Hyo Rin ភ្ជាប់ជាមួយសំណេរថា៖ "ពិធីជប់លៀងនៃមង្គលការរបស់ Taeyang និង Min Hyo Rin បានបញ្ចប់ទៅដោយរលូនបំផុត ដោយមានការសាទរពីភ្ញៀវកិត្តិយសជាច្រើន។ អរគុណម្ដងទៀតសម្រាប់ការអបអរសាទរចំពោះអាពាហ៍ពិពាហ៍ពួកគេ"។

យ៉ាងណាមិញសម្រាប់ពិធីពិសេសនេះ ពិតជាត្រូវបានរៀបចំយ៉ាងឥតខ្ចោះ ដោយក្នុងនោះគ្រប់កន្លែងក្នុងពិធីគឺជាស្នាដៃតុបតែងរបស់អ្នកពិធីការដ៏ល្បី Youngsong Martin (ល្បីឈ្មោះតាមរយៈស្នាដៃតុបតែងក្នុងរឿង 'Twilight')។ អ្វីដែលកាន់តែពិសេសនោះ Daesung មិត្តរួមក្រុម BIGBANG របស់ Taeyang គឺជាពិធីករសម្រាប់កម្មវិធី ខណៈ Seungri និង CL បង្ហាញខ្លួនជាពិសេស ច្រៀងអបអរគូស្វាមីភរិយាថ្មីថ្មោង។

រីឯភ្ញៀវកិត្តិយសចូលរួម សុទ្ធសឹងជាមិត្តរួមផលិតកម្ម និងមិត្តរួមការងារផ្សេងទៀត ហើយកម្មវិធីទាំងមូលពិតជាពោរពេញទៅដោយសុភមង្គល៕

ចុចអាន៖

ប្រភព៖ Soompi ប្រែសម្រួល៖ យី សុធារី