នឹម នន ឈ្នះ សុខ ទូ មែន ប៉ុន្តែក៏របួសបាក់ឆ្អឹងព្យាបាលកន្លះខែ

2018-02-06 07:26:56
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់មកពីក្លឹបឆត្រយោង ៩១១ នឹម នន បើទោះជាឈ្នះ សុខ ទូ មែន ប៉ុន្តែក៏រងរបួសបាក់ឆ្អឹងម្រាមដៃស្ដាំ ព្យាបាលយ៉ាងហោចណាស់កន្លះខែទើបអាចចូលហ្វឹកហាត់ ឬឡើងសង្វៀនវិញបាន។

កីឡាករ នឹម នន

នឹម នន បានឲ្យដឹងថា ការប្រកួតចាញ់ធ្លាក់ពានរង្វាន់ TV5 កាលពីថ្ងៃសៅរ៍សប្ដាហ៍មុននោះ គឺមានរបួសបាក់ម្រាមដៃស្ដាំតាំងពីទឹកទី១មកម្ល៉េះ ប៉ុន្តែដោយសារអាចនៅបន្តការប្រកួតទៀតបានក៏ទ្រាំរហូតដល់ឈ្នះតែម្ដង។ មូលហេតុបាក់ឆ្អឹងពេលនោះ គឺអ្នកប្រដាល់ខាងលើវ៉ៃដៃគូខុសទំនង ជាហេតុធ្វើឲ្យរបួសខ្លួនឯង។

កីឡាករ នឹម នន

សិស្សរបស់លោកគ្រូ ហង្ស សឺន ខាងលើបន្តថា តាមគ្រូពេទ្យប្រាប់ថា ព្យាបាលយ៉ាងតិចកន្លះខែទើបជាសះស្បើយ ប៉ុន្តែក៏មិនសូវស្រួលបួលដូចដើមភ្លាមៗនោះទេ និងត្រូវប្រយ័ត្នបំផុតនៅពេលធ្វើអ្វីកុំឲ្យប៉ះដៃដែលឈឺនោះឲ្យសោះ។ ទោះជាមានរបួសញឹកញាប់ដូចនេះក្ដី តែអ្នកប្រដាល់រូបនេះមិនបានបាក់ទឹកចិត្ត ឬបង្អាក់ចិត្តឲ្យឈប់ស្រឡាញ់អាជីពមួយនេះទេ គឺនៅតែបន្តរហូត។

កីឡាករ នឹម នន ពេលឈ្នះ សុខ ទូ

នឹម នន ជាកីឡាករមកពីក្លឹបឆត្រយោង ៩១១ និងជាបេក្ខភាពប្រកួតដណ្ដើមពានរង្វាន់ TV5 knock Out ផងដែរ។ ដោយបើកឆាកប្រកួតជុំដំបូងរបស់គេផ្ដួល សុខ ទូ បានឡើងទៅវគ្គ១៦នាក់ចុងក្រោយពានរង្វាន់មួយនេះបន្តទៀត៕

អត្ថបទ៖ នួន ស៊ីណា