ទ្រាំលិឍអំបិល ៥ ឆ្នាំ ទើប Facebook ចំណេញពាន់លានដុល្លារដូចពេលនេះ

2018-02-07 23:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំណូលប្រចាំថ្ងៃ ២០១៧ របស់បណ្ដាញសង្គមយក្ស Facebook មានដល់ទៅខ្ទង់រាប់ពាន់លានដុល្លារឯណោះ ដោយចំណូលភាគច្រើនបានពីការជួលផ្សាយពាណិជ្ជកម្ម។ យ៉ាងណាក្ដី Facebook ធ្លាប់មានប្រវត្តិខាតបង់ ៥ ឆ្នាំជាប់ៗគ្នា ទម្រាំមានថ្ងៃនេះ។

Facebook ដំណើរការនៅថ្ងៃទី ៤ ខែកុម្ភៈ ឆ្នាំ ២០០៤ ហើយកន្លងមកមានដំណឹងល្ហៀងៗថា Facebook អាចរកចំណូលបាន ៣៨២ ០០០ ដុល្លារ នៅឆ្នាំ ២០០៤, ៩ លានដុល្លារ នៅឆ្នាំ ២០០៥ និង ៤៨ លានដុល្លារ នៅឆ្នាំ ២០០៦ ដោយមិនមានការរាយការណ៍អំពីប្រាក់ចំណេញ ឬ ខាតនោះទេ។

ចំពោះឆ្នាំ ២០០៧ គេដឹងថា Facebook រកចំណូលបាន ១៥៣ លានដុល្លារ និងមានការខាតបង់ចំណូល ១៣៨ លានដុល្លារ ។ មកដល់ឆ្នាំ ២០០៨ ទំហំខាតបង់របស់ Facebook បានធ្លាក់មកនៅ ៥៦ លានដុល្លារ ដោយមានចំណូល ២៧២ លានដុល្លារ ។ តាមរយៈតួលេខនេះគេសន្មតថា Facebook ត្រូវខាតបង់ចំណូលអស់រយៈពេល ៥ ឆ្នាំ ចាប់ពីឆ្នាំ ២០០៤ ដល់ ២០០៨។

ចាប់តាំងពីឆ្នាំ ២០០៩ មក Facebook ចាប់ផ្ដើមមានទឹកមាត់លេបដោយចំណូលបានកើនឡើងដល់ ៧៧៧ លានដុល្លារ ជាមួយប្រាក់ចំណេញ ២២៩ លានដុល្លារ ។ ខាងក្រោមនេះបង្ហាញពីចំណូល និងប្រាក់ចំណេញរបស់ Facebook គិតត្រឹមឆ្នាំ ២០១៧ ៖

# ២០១០ ៖ ចំណូល ១ ៩៧៤ លានដុល្លារ , ប្រាក់ចំណេញ ៦០៦ លានដុល្លារ

# ២០១១ ៖ ចំណូល ៣ ៧១១ លានដុល្លារ , ប្រាក់ចំណេញ ១ ០០០ លានដុល្លារ

# ២០១២ ៖ ចំណូល ៥ ០៨៩ លានដុល្លារ , ប្រាក់ចំណេញ ៥៣ លានដុល្លារ (ធ្លាក់ចុះចំណូលដោយសារការកើនឡើងខ្ពស់នៃចំនួនអ្នកប្រើលើទូរសព្ទ មិនធ្លាប់មានក្នុងប្រវត្តិសាស្ត្រ Facebook និងបញ្ហាដទៃទៀត)