Apple សុខចិត្តធ្វើរឿងមួយនេះ ដើម្បីកើបលុយនៅចិន

2018-02-08 03:04:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាលើកដំបូងក្នុងប្រវត្តិសាស្ត្រ Apple បានទទួលយកសេវាកម្មទូទាត់ទូរសព្ទផ្សេង ដោយអាចធ្វើការទូទាត់នៅក្នុងហាងលក់រាយរបស់ខ្លួនបាន នោះគឺ Alipay ដែលជាគូប្រជែងមួយរបស់ Apple Pay។

កន្លងមកមានសេវាកម្មទូទាត់ដូចជា PayPal និង Alipay អាចប្រើសម្រាប់ការទូទាត់អនឡាញលើ App Store, iTune Store និង Apple Music បាន។ ប៉ុន្តែនេះជាលើកដំបូងដែល Apple បានអនុញ្ញាតឲ្យសេវាកម្មទូទាត់តាមទូរសព្ទដទៃដំណើរការនៅក្នុងហាងលក់ទំនិញពិតៗរបស់ខ្លួនបាន។

Alipay

ប្រទេសចិនគឺជាទីផ្សារដ៏ធំមួយរបស់ Apple ដោយក្នុងត្រីមាសទី ៤ ឆ្នាំ ២០១៧ ក្រុមហ៊ុនអាមេរិកមួយនេះអាចរកចំណូលបាន ៩,៨ ពាន់លានដុល្លារពីប្រទេសចិន។ ទន្ទឹមនឹងនេះការទូទាត់សាច់ប្រាក់តាមទូរសព្ទនៅប្រទេសចិនមានទំហំដល់ ៩ ទ្រីលានដុល្លារក្នុងឆ្នាំ ២០១៦ ដោយ Alipay កាន់កាប់ទីផ្សារ ៦១,៥% ឯណោះ។

Apple Pay

ការសហការជាមួយនឹងសេវាកម្មទូទាត់ដ៏ធំរបស់ចិននឹងជួយឲ្យ Apple កើបលុយបានកាន់តែច្រើនពីប្រទេសចិន ប៉ុន្តែវាអាចធ្វើឲ្យចំនួនអ្នកប្រើប្រាស់ Apple Pay មានការថយចុះទៅវិញ៕

ប្រភព៖ Cnet ប្រែសម្រួល៖ សុខហេង