Tesla ប្រកាសខាត ៦៧៥ លានដុល្លារ ក្រោយ Elon Musk បង្ហាញរូបឡានហោះក្រៅផែនដី
- 2018-02-08 07:37:03
- ចំនួនមតិ 0 | ចំនួនចែករំលែក 0
Tesla ប្រកាសខាត ៦៧៥ លានដុល្លារ ក្រោយ Elon Musk បង្ហាញរូបឡានហោះក្រៅផែនដី
ចន្លោះមិនឃើញ
ក្រោយពីបានបង្ហោះរូបភាពចុងក្រោយនៃរថយន្ត Tesla Roadster ដែលក្រុមហ៊ុន SpaceX បានបាញ់បង្ហោះទៅលំហអាកាសដោយរ៉ុកកែត Falcon Heavy ភ្លាម ក្រុមហ៊ុន Tesla បានប្រកាសរបាយការណ៍ហិរញ្ញវត្ថុប្រចាំត្រីមាសទី ៤ ឆ្នាំ ២០១៧ ដែលមានការខាតបង់ ៦៧៥ លានដុល្លារ។
តួលេខនៃការខាតបង់នេះជាតួលេខដ៏ខ្ពស់មួយក្នុងប្រវត្តិសាស្ត្ររបស់ក្រុមហ៊ុន Tesla ដែលកាន់កាប់ដោយលោក Elon Musk។ ធៀបនឹងត្រីមាសចុងក្រោយនៃឆ្នាំ ២០១៦ ក្រុមហ៊ុនផលិតរថយន្តអគ្គិសនីនេះខាតបង់ ១២១ លានដុល្លារប៉ុណ្ណោះ។
Tesla និយាយថាការខាតបង់ដ៏ច្រើននេះ ដោយសារការបណ្ដាក់ទុនដ៏ធំនៅលើការផលិតរថយន្ត Tesla Model 3 ដែលសង្វាក់ផលិតកម្មផលិតរថយន្តនេះមានភាពយឺតយ៉ាវជាងការកំណត់។ នៅត្រីមាសចុងក្រោយនៃឆ្នាំ ២០១៧ ក្រុមហ៊ុនផលិតរថយន្ត Tesla Model 3 បានត្រឹម ២ ៤២៥ គ្រឿង ជាទំហំដែលតិចតួចបំផុត។
ទាក់ទងនឹងបង្ហាញនេះស្ថាបនិកក្រុមហ៊ុន SpaceX និង Tesla និយាយ ៖ "ប្រសិនបើយើងអាចបញ្ចូនរថយន្ត Tesla Roadster ទៅក្នុងលំហអាកាសបានទៅហើយនោះ យើងក៏អាចដោះស្រាយបញ្ហាផលិតរថយន្ត Model 3 បានដូចគ្នា”៕