បុគ្គលិក Apple នាំគ្នាហែកហួររឿងផ្ទៃក្នុង ដឹងហើយហួសចិត្ត

2018-02-12 01:34:31
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple ជាក្រុមហ៊ុនមួយដែលបានកំណត់ច្បាប់តឹងរ៉ឹងបំផុតលើការរក្សាការសម្ងាត់របស់ក្រុមហ៊ុន។ ប្រសិនបើមានបុគ្គលិកណាធ្លោយមាត់ អាចនឹងត្រូវបញ្ឈប់ដោយមិនលើកលែង។ យ៉ាងណាក្ដីនៅលើវិបសាយ Quora មានអតីតបុគ្គលិក រួមទាំងបុគ្គលិកបច្ចុប្បន្នរបស់ Apple បានចេញមុខរៀបរាប់ពីស្ថានភាពក្នុងក្រុមហ៊ុនរបស់ខ្លួន ដោយមាននិយាយទាំងចំណុចល្អ និងមិនល្អ។

# ប្រសិនបើ Apple មិនទទួលយកការដាក់ពាក្យសុំធ្វើបុគ្គលិកហាត់ការ (Intern) មិនបាច់ខំដាក់ពាក្យតទៀតទេ

ក្រុមហ៊ុន Apple មាន Software ពិសេសមួយដែលនឹងទប់ស្កាត់មិនឲ្យមានការដាក់ពាក្យពីរដងពីបុគ្គលិកហាត់ការនោះទេ។ ដូចនេះប្រសិនបើអ្នកបរាជ័យលើការដាក់ពាក្យម្ដងរួចមកហើយនោះ កុំសង្ឃឹមថាអាចដាក់ពាក្យបានម្ដងទៀត។

# "ពួកយើងមិនចំណាយពេលជាមួយមនុស្សល្ងង់ទេ"

អ្នកឌីហ្សាញ UX ឈ្មោះ Luis Abreu ដែលបង្ហាញក្នុងរូបភាព ធ្លាប់មានបទពិសោធន៍ចុកចាប់មួយពេលសម្ភាសចូលធ្វើការនៅក្រុមហ៊ុន Apple។ លោកបានរៀបរាប់លើ Blog របស់ខ្លួនថា ៖ "ការតេទូរសព្ទ ៣ ដង, សម្ភាសន៍តាម Face Time ៥ ដង, ទៅសម្ភាសន៍តទល់ជាមួយមនុស្ស ៥ នាក់ផ្សេងគ្នាដល់ក្រុមហ៊ុនពេញមួយថ្ងៃ និងជួបគ្នាពេលបាយថ្ងៃត្រង់នៅអាហារដ្ឋានថ្មីរបស់ Apple។ ចុងបញ្ចប់ខ្ញុំទទួលបានពាក្យថា «ទេ»”។ អំឡុងពេលសម្ភាសន៍មួយមានគេនិយាយដាក់គាត់ថា ៖ "ពួកយើងមិនចំណាយពេលជាមួយមនុស្សល្ងង់ទេ”។

# ក្រុម Developer ត្រូវប្រជុំតាំងពីម៉ោង ៤ ព្រឹក

David Graham អតីតអ្នកនិពន្ធនៅក្រុមហ៊ុន Apple និយាយថា ៖ "ខ្ញុំចាំបានក្រុមភ្នែកស្លក់នៅផ្នែក Developer ត្រូវបង្ហាញខ្លួនដើម្បីប្រជុំនៅម៉ោង ៤ ព្រឹក ដោយសារបញ្ហាខុសម៉ោងគ្នារវាង Developer នៅប្រទេសផ្សេង។ ពួកគេត្រូវធ្វើវាជារៀងរាល់ថ្ងៃ ហើយខ្ញុំជឿថាវាប៉ះពាល់ដល់ជីវិតប្រចាំថ្ងៃរបស់ពួកគេ”។

# នៅក្នុងហាងលក់គ្រប់គ្នាទះដៃស្ទើរគ្រប់ពេល

Renee Morales អតីតអ្នកជំនាញនៅហាងលក់ផលិតផល Apple ឲ្យដឹងថា ៖ "ការទះដៃមានច្រើនមែនទែន។ មានបុគ្គលិកថ្មីចូល ទះដៃ។ ចង់បញ្ចប់នៃការប្រជុំ ទះដៃ។ ពេលមានអ្នកឈប់ នៅថ្ងៃចុងក្រោយ ក៏នាំគ្នាទះដៃ។ និយាយទៅទះដៃឥតល្ហែ”។

# ឈឺហើយក៏មិនលើកលែង

Ben Farrell អតីតបុគ្គលិក Apple បានរៀបរាប់ពីមូលហេតុដែលសម្រេចលាឈប់ នៅលើ Blog របស់ខ្លួន ៖ “ថ្មីៗនេះខ្ញុំត្រូវសត្វមូសខាំចម្លងមេរោគ និងត្រូវគេងនៅមន្ទីរពេទ្យមួយរយៈខ្លី។ មិនទទួលបានការលើកទឹកចិត្ត សួរសុខទុក្ខ ប៉ុន្តែក្រុមហ៊ុនខ្ញុំបែរជាផ្ញើឯកសារមកគ្រែរបស់ខ្ញុំ ដោយមានសរសេរក្រដាសថា ត្រូវបញ្ចប់ឲ្យបានលឿន។ សូម្បីតែព្រឹកព្រលឹមថ្ងៃរៀបការរបស់ខ្ញុំ ខ្ញុំត្រូវគេស្ដីឲ្យតាមទូរសព្ទ និងមានអ៊ីមែលឲ្យខ្ញុំផ្ញើរបាយការណ៍ដែលមានអ្នកធ្វើបាត់ ឲ្យទៅពួកគេទៀតផង”។

# ទង្វើចម្លែកនៅហាងលក់ Apple ប្រទេសចិន

Andrew Guan បុគ្គលិកហាងលក់ផលិតផល Apple នៅចិន លើកឡើងដឹងថា ៖ "ខ្ញុំមិនដឹងថាច្បាប់នៅសហរដ្ឋអាមេរិកយ៉ាងណានោះទេ ប៉ុន្តែនៅប្រទេសចិន ពិតជាចម្លែកមែនទែន។ ក្នុងកិច្ចប្រជុំប្រចាំត្រីមាស អ្នកគ្រប់គ្រងឡើងឈរលើតុហើយស្រែកថា «ពួកអ្នកជានរណា» បុគ្គលិកទាំងអស់លើកដៃដាក់លើក្បាលហើយនិយាយថា «ពួកយើងគឺ Apple»”៕

ប្រភព៖ Businessinsider ប្រែសម្រួល៖ សុខហេង

ពាក្យទាក់ទង

Apple

អត្ថបទពេញនិយម

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

បុរសម្នាក់នេះ ជួយជ្រោមជ្រែង ខ្មែរជាច្រើនគ្រួសារ ឱ្យបានទៅរស់នៅអាមេរិក និងជួយបង្កើតមុខរបរឱ្យទៀត

ល្បីថា តាវ មិញស៊ឺ កំពុងមានទំនាក់ទំនងពិសេសជាមួយតារាស្រីអាយុច្រើនជាង ២១ ឆ្នាំ?

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas

លី តាវហួ បង្ហាញតិកនិចធ្វើឲ្យសម្រស់នៅតែសង្ហាដូចខ្ទង់ ៤០ ទោះសព្វថ្ងៃអាយុ ៦២ ក៏ដោយ

តាមពិត នៅអាមេរិក មានទីក្រុងមួយ ឈ្មោះថា "ទីក្រុងខ្មែរ - Cambodia Town"

អត្ថបទថ្មី

ស្គាល់ ពស៊ាង តាមរយៈបទអ្វី? ១០បទនេះធានាថាស្ដាប់ហើយ គេងញញឹមតែម្នាក់ឯង ទោះអត់គូក៏ដោយ

Kep Music City «សូរសំឡេងនៃតន្ត្រីនៅទីក្រុងកែប»ប្រារព្ធខួបមួយខែនៃភាពជោគជ័យ៖ ការបង្កើតឆ្ពោះទៅថ្ងៃអនាគតជាទីក្រុងសិល្បៈ តន្ត្រីនិងការតភ្ជាប់សហគមន៍

AirAsia Cambodia បើកសម្ពោធជើងហោះហើរត្រង់ ពីទីក្រុងភ្នំពេញឆ្ពោះទៅកាន់ទីក្រុងហូជីមិញក្នុងតម្លៃសំបុត្រដ៏អស្ចារ្យ ចាប់ពី 74 USD តែប៉ុណ្ណោះ

៣នាក់ឪ-កូន លេងស្ដាយប្លែកៗ អមជាមួយបទកំពុងល្បី ត្រូវអ្នកគាំទ្រធ្លោយមាត់ថា “IDOL ព្រាប សុវត្ថិ ខ្ញុំមកវិញហើយ!”