ឡើងទំនើបរបស់គេមែន! សិស្សសាលាមួយនេះ ឥឡូវអាចបង់ថ្លៃសាលាតាម Wing

2018-02-09 09:03:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ឥឡូវសិស្សនិស្សិតនៃសាកលវិទ្យាល័យភ្នំពេញអន្តរជាតិ (PPIU) លែងពិបាករឿងតម្រង់ជួរចាំបង់ថ្លៃសាលាទៀតហើយ ព្រោះពួកគេអាចបង់បានយ៉ាងងាយស្រួលនិងឆាប់រហ័សតាមរយៈ Wing។ នេះគឺលទ្ធផលនៃការសហការគ្នារវាងសាកលមួយនេះ និងធនាគារឯកទេស Wing ។

ក្នុងភាពជាដៃគូនេះ Wing នឹងផ្ដល់គណនី Wing ដល់សិស្សនិស្សិតដោយឥតគិតថ្លៃ ហើយសិស្សនិស្សិតទាំងអស់អាចជ្រើសរើសរបៀបបង់ប្រាក់ ដោយប្រើប្រាស់កម្មវិធីស្មាតហ្វូន (Wing Money app) ឬកូដ USSD(*989#) ឬនៅតាមភ្នាក់ងារ Wingជាង ៥,០០០ កន្លែងទូទាំងកម្ពុជា។

ជាផ្នែកមួយនៃកិច្ចព្រមព្រៀង Wingក៏នឹងឧបត្ថម្ភប្រាក់ចំនួន ១០០ដុល្លារក្នុងមួយខែ ដល់សាកលវិទ្យាល័យភ្នំពេញអន្តរជាតិដើម្បីភ្ជាប់ WiFi នៅបរិវេណសាលាសម្រាប់ការប្រើប្រាស់របស់សិស្សនិស្សិតដោយធានាថាគ្រប់គ្នាអាចភ្ជាប់ទំនាក់ទំនងបានដោយងាយស្រួល។

លោក Ruan Swanepoel នាយកប្រតិបត្តិផ្នែកពាណិជ្ជកម្មរបស់ Wingបានមានប្រសាសន៍ថា៖«យើងរីករាយណាស់ដែលបានចូលរួមជាមួយគ្រឹះស្ថានអប់រំកម្ពុជាដ៏ល្អដូចជាសាកលវិទ្យាល័យភ្នំពេញអន្តរជាតិ។ យើងមានគំនិតដូចគ្នាក្នុងការប្រឹងប្រែងដើម្បីផ្ដល់ជាចំណេះដឹង និងការអប់រំដល់ក្មេងជំនាន់ក្រោយ ឲ្យមើលពិភពលោកបានវែងឆ្ងាយ»។

«យើងជឿជាក់លើការធ្វើឲ្យអតិថិជនកាន់តែមានភាពងាយស្រួលសម្រាប់ជីវភាពរស់នៅប្រចាំថ្ងៃ ហើយWingក៏ នឹងផ្ដល់ជូននិស្សិត នូវវិធីសាមញ្ញក្នុងការបង់ថ្លៃសិក្សា ដោយប្រើទូរស័ព្ទស្មាតហ្វូនរបស់ពួកគេ ឬនៅតាមភ្នាក់ងារណាមួយរបស់យើង "។

លើសពីនេះសិស្សនិសិ្សត PPIU នឹងទទួលបានអត្ថប្រយោជន៍ផ្សេងៗទៀត ជាមួយគណនី Wing ដូចជា៖

ទទួលបានWingអនទ្បាញម៉ាស្ទ័រកាតដោយឥតគិតថ្លៃសម្រាប់ការទិញទំនិញអនឡាញ នៅតាមហាងធំៗ ដូចជា Amazon និង Alibaba ភ្ជាប់ទៅ PayPal និង iTunes។