អេមបាត់! ពីពេលនេះ អ្នកប្រើ Smart អាចជិះតាក់ស៊ី Uber អត់អស់លុយ

2018-02-10 04:01:25
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រើ Smart ទាំងអស់ នឹងអាចជិះតាក់ស៊ី Uber ដោយឥតគិតថ្លៃ (បញ្ចុះតម្លៃ) និងបានអត្ថប្រយោជន៍ពិសេសៗផ្សេងទៀតពី Uber បន្ទាប់ពី Smart Axiata ដែលជាក្រុមហ៊ុនសេវាទូរសព្ទចល័តឈានមុខគេនៅកម្ពុជា ប្រកាសសហការជាផ្លូវការជាមួយក្រុមហ៊ុនតាក់ស៊ីលំដាប់ពិភពលោក Uber កាលពីថ្ងៃសុក្រ ម្សិលមិញនេះ។ នេះបើយោងតាមសេចក្ដីប្រកាសព័ត៌មានដែល Sabay ទទួលបាន។

ឧទាហរណ៍ថា ក្នុងករណី Uber ផ្ដល់ប្រូម៉ូសិនដល់អ្នកប្រើ Smart ១០ ០០០ រៀល។ បើអ្នកជិះអស់ចម្ងាយគិតជាប្រាក់ ៩០០០ រៀល នោះអ្នកមិនត្រូវបង់លុយមួយកាក់មួយសេនឡើយ។ តែបើអ្នកជិះអស់ចម្ងាយគិតជាប្រាក់អស់ ១៥ ០០០ រៀល នោះអ្នកត្រូវបង់តែ ៥០០០ រៀលប៉ុណ្ណោះ។ (ចំណាំ៖ នេះគ្រាន់តែជាឧទាហរណ៍ដើម្បីងាយយល់ប៉ុណ្ណោះ មិនមែនតម្លៃប្រូម៉ូសិនពិតប្រាកដឡើយ)

កាន់តែចំណេញ នោះគឺអ្នកភ្ជាប់គម្រោង StreamOn របស់ Smart នឹងអាចប្រើអ៊ីនធឺណិតដោយឥតគិតថ្លៃ ពេលបើកកម្មវិធី Uber ហៅតាក់ស៊ីជិះ។

លោក Thomas Hundt នាយកប្រតិបត្តិ Smart Axiata (ឆ្វេង) និង លោក Pascal Ly នាយកចាត់ការទូទៅក្រុមហ៊ុន Uber ប្រចាំកម្ពុជា (ស្ដាំ)

ក្រៅពីផ្ដល់អត្ថប្រយោជន៍នាំម៉ូយកាន់តែច្រើនឲ្យ Uber កិច្ចសហការនេះ ក៏ផ្ដល់ប្រយោជន៍ដល់តៃកុងឡានតាក់ស៊ី Uber ផងដែរ បើភ្ជាប់គម្រោង PowerPlus 8 Uber។ តៃកុងឡាន Uber នឹងអាចប្រើអ៊ីនធឺណិតដោយឥតគិតថ្លៃ នៅលើកម្មវិធីទូរសព្ទ Uber Driver។

បញ្ជាក់ថា តាក់ស៊ីលំដាប់ពិភពលោក Uber បានចាបផ្ដើមដំណើរការនៅកម្ពុជាតាំងពីខែកញ្ញា ២០១៧ មកម្ល៉េះ៕