រកឃើញអ្នកក្លាហាន ដែលធ្វើឲ្យកូដរបស់ Apple បែកធ្លាយប៉ុន្មានថ្ងៃមុន

2018-02-10 04:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានថ្ងៃមុន មានព័ត៌មានក្ដៅមួយករណី កូដ iBoot របស់ iPhone ដែលប្រើសម្រាប់ដំណើរការប្រព័ន្ធប្រតិបត្តិការ បានលេចធ្លាយនៅលើវិបសាយអនឡាញ។ ឥឡូវនេះរកឃើញអ្នកដែលលួចបញ្ចេញវាទៅខាងក្រៅហើយ។

រូបតំណាង

តាមប្រភពព័ត៌មានបានឲ្យដឹងថា **បុគ្គលិកហាត់ការម្នាក់បានលួចកូដ ចែកចាយទៅកាន់មិត្តភក្ដិពួកគេ ដែលកំពុងអភិវឌ្ឍន៍លើ Tool សម្រាប់ Jailbreak ព្រោះ Apple បានប្រើកូដអាថ៌កំបាំង បិទមិនឲ្យអ្នកទាំងនោះបង្កើត Tool សម្រាប់ Jailbreak បានទើបបានជាបុគ្គលិកម្នាក់នេះធ្វើបែបនេះ។**

អតីតអ្នកហាត់ការម្នាក់នោះមិនបានគិតថា ជារឿងធំដល់ថ្នាក់នេះទេ គិតថាជារឿងតូចតាច ព្រោះគេគ្រាន់ចង់ជួយមិត្តភក្តិរបស់គេប៉ុណ្ណោះ ប៉ុន្តែមិនដូចការរំពឹងទុក ព្រោះពេលនេះកូដបានបែកធ្លាយជាសាធារណៈ។

យ៉ាងណាក្ដី Source Code ដែលបែកធ្លាយម្សិលមិញនោះ ប្រហែលជា Source Code តាំងពីជំនាន់ iOS 9 ហេតុនេះផលប៉ះពាល់នៃការលេចធ្លាយនេះអាចមិនមានច្រើននោះទេ។

Apple ក៏បាននិយាយដែរថាការលេចធ្លាយនេះមិនប៉ះពាល់ដល់ប្រព័ន្ធសុវត្ថិភាព iPhone ឡើយ។ ប៉ុន្តែ Apple នៅតែណែនាំឲ្យអ្នកប្រើប្រាស់អាប់ដេតប្រព័ន្ធប្រតិបត្តិការទៅកាន់ជំនាន់ចុងក្រោយ ដើម្បីប្រាកដថានឹងមិនរងគ្រោះពីការវាយប្រហារណាមួយ៕

ប្រភព៖ The Verge ប្រែសម្រួល៖ រក្សា