អតីតមេ Cisco ថាដល់ពេលហើយដែលមនុស្សត្រូវបរិភោគចង្រិតជំនួសបន្លែ

2018-02-12 02:57:28
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតនាយកប្រតិបត្តិក្រុមហ៊ុន Cisco លោក John Chambers លើកឡើងថា ក្នុងរយៈពេល ១០ ឆ្នាំទៅមុខ មនុស្សរាល់គ្នានឹងត្រូវបរិភោគចង្រិត។ ថ្លែងប្រាប់សារព័ត៌មាន CNBC បុរសសញ្ជាតិអាមេរិកសង្កត់ធ្ងន់បែបនេះថា "ដោយសារបច្ចុប្បន្នគ្រប់គ្នាកំពុងបំផ្លិចបំផ្លាញបរិស្ថាន ហើយធនធានផលិតផលកសិកម្មនិងសាច់ កំពុងមានការខ្វះខាត ទាំងដែលចំនួនមនុស្សក្នុងពិភពលោក មានការកើនឡើង"។

រូបតំណាងលោក John Chambers

បុរសវ័យ ៦៨ ឆ្នាំបន្តថា "ការរំលាយសារធាតុប្រូតេអ៊ីនក្នុងខ្លួនប្រាណរបស់យើង ដែលទទួលបានពីសត្វល្អិតឬសាច់ ងាយស្រួលជាងពពួករុក្ខជាតិ ហើយមួយភាគធំនៃប្រូតេអ៊ីនទាំងអំបាលម៉ាននោះចាប់ពីពេលដល់ ១០ ឆ្នាំទៅមុខ នឹងទទួលបានពីសត្វល្អិត"។

លោក Chembers សព្វថ្ងៃជាវិនិយោគិនក្នុងក្រុមហ៊ុន Aspire Food Group ដែលជាស្ថាប័នប្រើប្រាស់បច្ចេកវិទ្យា Sensor និងប្រព័ន្ធអ៊ីនធឺណិតក្នុងការចាប់យកទិន្នន័យពីសត្វល្អិត មានមូលដ្ឋានក្នុងរដ្ឋ Texas ហើយកំពុងផលិតនិងលក់ពពួកសត្វចង្រិតជាច្រើនប្រភេទផងដែរ។