Mourinho ថា Man Utd ចាញ់ដោយសារព្រះនៅខាង Newcastle
- 2018-02-12 00:27:23
- ចំនួនមតិ 0 | ចំនួនចែករំលែក 0
Mourinho ថា Man Utd ចាញ់ដោយសារព្រះនៅខាង Newcastle
ចន្លោះមិនឃើញ
Manchester United បានចាញ់លើកទី៥នៅរដូវកាលនេះ ក្រោយបរាជ័យ ១ ទល់នឹង០ ទល់នឹង Newcastle នៅការប្រកួត Premier League សប្ដាហ៍ទី២៧។
ជំនួបនៅ St James' Park កាលពីយប់មិញ ក្រុមភ្ញៀវមានឱកាសច្រើនលើកច្រើនសារនៅមុខទី Newcastle តែគ្មានសំណាងអាចទម្លុះសំណាញ់ទីបានដោយសារការជួយសង្គ្រោះពីអ្នកចាំទី Dubravka និងបាល់ខុសទី។
ក្រោយបុកគេមិនធ្លុះបិសាចក្រហមបានរបូតគ្រាប់នៅនាទី ៦៥ជាការទាត់បញ្ចូលទីរបស់ Matt Ritchie។ បន្ទាប់ពីចាញ់ការប្រកួត Jose Mourinho បាននិយាយថា ទោះលេង១០ម៉ោងទៀតក៏ United មិនអាចស៊ុតបញ្ចូលទីបានដែរ។
“ព្រះនៃបាល់ទាត់គឺនៅខាង Newcastle ដូច្នេះយើងមិនអាចឈ្នះបានទេនៅថ្ងៃនេះ។ ខ្ញុំគិតថាទោះលេង១០ម៉ោងទៀតក៏យើងគ្មានគ្រាប់បាល់ដែរ។ ម្ចាស់ផ្ទះឆក់ឱកាសស៊ុតចូលទីនៅពេលក្រុមយើងធ្វេសប្រហែស ដូច្នេះពួកគេពិតជារីករាយពីការខំប្រឹងប្រែងក្នុងការប្រកួតនេះ"។ អ្នកចាត់ការសញ្ជាតិព័រទុយហ្គាល់និយាយដូច្នេះ៕