ក្រោយជួបគ្រោះថ្នាក់ស្ទើរអស់ដៃ តារាកូរ៉េរូបនេះសុំអ្នកគាំទ្រឲ្យជួយខ្លួនរឿង១
- 2018-02-13 08:40:00
- ចំនួនមតិ 0 | ចំនួនចែករំលែក 0
ក្រោយជួបគ្រោះថ្នាក់ស្ទើរអស់ដៃ តារាកូរ៉េរូបនេះសុំអ្នកគាំទ្រឲ្យជួយខ្លួនរឿង១
ចន្លោះមិនឃើញ
អតីតសមាជិកក្រុម Royal Pirates តារាចម្រៀង James បានបង្កើតមូលនិធិផ្ទាល់ខ្លួនមួយក្នុងវិបសាយ Kickstarter ក្នុងគោលបំណងឲ្យបទចម្រៀងរបស់លោកអាចដំណើរការបានឡើងវិញ ក្រោយលោកជួបគ្រោះថ្នាក់ដ៏អកុសលមួយ។
កាលពីខែមករា ឆ្នាំ២០១៧ តារាចម្រៀង James បានសម្រេចចិត្តចាកចេញពីក្រុម Royal Pirates ដោយសារតែការព្យាបាលរបួសដៃរបស់លោកមិនអាចបានដូចដើមឡើងវិញ។ លោកបានចាកចេញពីវិស័យសិល្បៈនេះចាប់តាំងពីពេលនោះរហូតមកដល់បច្ចុប្បន្ន។ ទោះជាយ៉ាងណាតារាចម្រៀងរូបនេះគម្រោងត្រលប់មករកវិស័យមួយនេះវិញក្នុងក្ដីសង្ឃឹមទទួលបានពីអ្នកគាំទ្ររបស់លោក។
ថ្មីៗនេះ លោកបានស្វាគមន៍អ្នកគាំទ្ររបស់ខ្លួនលើវិបសាយមូលនិធិ Kickstarter ហើយបានសុំពួកគេឲ្យជួយលោក ដើម្បីដំណើរការវីដេអូភាគដំបូងរបស់លោក។ តារាចម្រៀងរូបនេះបានសរសេរថា៖ " គ្រោះថ្នាក់នោះបានបំផ្លាញដៃ និងបញ្ចប់អាជីពរបស់ខ្ញុំក្នុងនាមជាអ្នកលេងហ្គីតាមួយរូប។ ខ្ញុំបានព្យាបាលវាឡើងវិញ ហើយឥឡូវនេះខ្ញុំកំពុងស្វែងរកក្ដីសង្ឃឹមតែមួយគត់ដែលខ្ញុំចេះ គឺតន្ត្រី"។
តារាចម្រៀង James មានគម្រោងប្រមូលថវិកាចំនួន ២៧ ៦០០ដុល្លារ សម្រាប់ផលិតអាល់ប៊ុមបទចម្រៀងថ្មីរបស់លោក៕
ចង់ដឹងកាន់តែច្បាស់ ទស្សនាវីដេអូខាងក្រោម៖
ចុចអាន៖
តារាចម្រៀងល្បីណាខ្លះ មានបទចម្រៀងជាកម្មសិទ្ធិផ្ទាល់ខ្លួន?
ប្រកាសដំណឹងស្នេហាមិនប៉ុន្មានផង Lee Joon ប្រុងបញ្ចប់ជីវិត?
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
