ភ្លឺភ្នែក ពេលដឹងពីប្រវត្តិក្រមាខ្មែរ

2018-02-13 10:38:35
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវជនមួយក្រុមរួមគ្នាបង្កើតឲ្យមានការត្បាញក្រមាខ្មែរដែលមានប្រវត្តិរាប់ពាន់ឆ្នាំ ខ្នាតវែងមួយនៅកម្ពុជា និងរំពឹងថាអាចបំបែកឯតទគ្គកម្មក្រមាវែងជាងគេនៅលើពិភពលោកផងដែរ ដែលកម្មវិធីនេះបើកជាសាធារណៈដល់ពលរដ្ឋគ្រប់ស្រទាប់វណ្ណៈចូលរួមជួយត្បាញដោយមិនមានបង់ថ្លៃសេវា។

(ស្ត្រីម្នាក់កំពុងសាកល្បងត្បាញក្រមា មួយថ្ងៃមុនថ្ងៃពិធីត្បាញក្រមាចូលមកដល់)

GoGo Cambodia ជាចលនាមួយបង្កើតដោយយុវជនមួយក្រុមក្នុងគោលបំណងលើកកំពស់មោទនភាពជាតិ ទាក់ទងនឹងវិស័យអប់រំ សង្គមកិច្ច និងការពារជាតិជាដើម។ ចលនានេះបានប្រកាសខ្លួនជាសាធារណៈកាលពីថ្ងៃទី២ ខែមករា ឆ្នាំ២០១៦។

បើតាមវចនានុក្រមសម្តេចព្រះសង្ឃរាជ ជូន ណាត ក្រមា ជាសំពត់តម្បាញដោយអំបោះ មានក្រឡាខ្វែងសម្រាប់ផ្លាស់ងូតទឹក។

និយាយពីប្រវត្តិរបស់ក្រមាវិញក្រុមការងារGoGo Cambodia បានស្រាវជ្រាវរកឃើញថាមានប្រើប្រាស់ក្នុងជីវភាពប្រចាំថ្ងៃរបស់ពលរដ្ឋរស់នៅលើទឹកដីកម្ពុជាតាំងពី២ ២០០ឆ្នាំមុនមកម្លេះ។ ផ្អែកតាមភស្តុតាងដូចជាក្បាលត្រល់ និងខ្នារអំបោះនៅស្ថានីយបុរាណវិទ្យាម្លូព្រៃ ខេត្តព្រះវិហារ បង្ហាញថាក្រមាក៏ប្រហែលជាកើតមានឡើងតាំងពីមានវត្តមានមនុស្សរស់នៅលើទឹកដីកម្ពុជា ហើយអ្នកទាំងនោះចេះរវៃត្បាញផងដែរ។ នេះបើតាមការសិក្សារបស់ក្រុមកាងារដដែល។

(លោក សាន វឌ្ឍានា ប្រធានចលនាGoGo Cambodia កំពុងរៀបរាប់ពីកីតម្បាញក្រមាខ្មែរនៅវាលព្រះមេរុ)

ការសិក្សាឲ្យដឹងទៀតថាមានពាក្យពេចន៍មួយចំនួនដែលគេជឿថាមានទំនាក់ទំនងនឹងការត្បាញរវៃនេះមាននៅរវាងសតវត្សរ៍ទី៦ ដល់ទី១១។ពាក្យទាំងនោះមានដូចជា «កប្បាស តៃ ថ្ករ និងកុ ត្បាញ» ជាដើម។ បើតាមសិលាចារឹកស្ទឹងខាងកើត (K.879) សិលាចារឹកគោករកា(K.155) និងសិលាចារឹកព្រៃមៀន (K.18) លើកឡើងថាពាក្យទាំងនេះសំដៅដល់ស្រីបម្រើតាមប្រាសាទដែលទទួលភារៈជាអ្នកថ្ករអំបោះ និងត្បាញ។

បើនិយាយពីការប្រើប្រាស់សម្រាប់ជីវភាពប្រចាំថ្ងៃរបស់ប្រជាពលរដ្ឋខ្មែរវិញ ក្រមា ត្រូវបានប្រើសម្រាប់ស្លៀក ដណ្តប់ វេចខ្ចប់ ទទូរ និងក្រាល ជាដើម។

ប្រធានចលនាGoGo Cambodia លោក សាន វឌ្ឍានា លើកឡើងក្នុងសន្និសីទសាព័ត៌មាននៅរសៀលនេះថាប្រទេសយ៉ាងតិច១២នៅលើពិភពលោកបានប្រើប្រាស់សម្ភារៈប្រហាក់ប្រហែលនឹងក្រមារបស់កម្ពុជាដែរ តែថាមានការហៅឈ្មោះផ្សេងៗគ្នា។ លោកឲ្យដឹងទៀតថាតាមការសិក្សាស្រាវជ្រាវផ្នែកបុរាណវិទ្យា មានការរកឃើញត្រល់ដែលមានអាយុតាំងពីមុនគ្រឹស្តសរាជ។

លោកបន្តថាៈ «បើយើងមើលតាមលក្ខណៈបុរាណវិទ្យា យើងមានភាពចំណាស់ យើងបានរកឃើញត្រល់ យើងអត់រកឃើញក្រមាតាំងពីសម័យនោះទេ តែយើងរកឃើញត្រល់ តាមបែបបទក្រមានេះតាំងពី៤០០០ ឬ៣០០០ឆ្នាំមុនគ្រិស្តសករាជ យើងមានរឿងនិទានព្រះថោង នាងនាគ ដែលបានចាប់ផ្តើមត្បាញក្រមា យើងមានរូបចម្លាក់ យើងមានសិលាចារឹកជាច្រើនដែលបានបង្ហាញពីទំនាក់ទំនងជាមួយកប្បាស ត្រល់...យើងមានចំណុចពិសេសច្រើនដែលយើងអាចបង្ហាញជូនពិភពលោកថាក្រមានៅជាមួយប្រជាជាតិយើងតាំងពីសម័យយូរលង់ណាស់មកហើយ»។

បើតាមលោក សាន វឌ្ឍានា ក្រមាដែលនឹងត្បាញបាននេះនឹងបង្ហាញពីអត្ថន័យចំណងមេត្រីភាព និងការស្វែងរកគ្នានៃប្រជាពលរដ្ឋខ្មែរ និងក៏មានដែរការបង្ហាញពីមោទនភាពជាតិខ្មែរលើឆាកអន្តរជាតិដែលមានក្រមាវែងជាងគេ។

កម្មវិធីត្បាញក្រមានេះនឹងចាប់ផ្តើមពីថ្ងៃទី១៤ ខែកុម្ភៈ រហូតទាល់តែក្រមាប្រវែង១០០០ម៉ែត្រ និងទទឹង៩៦សង់ទីម៉ែត្រ ត្បាញបានរួចរាល់។ ទីតាំងត្បាញក្រមានេះស្ថិតនៅវាលព្រះមេរុជិតព្រះបរមរាជវាំង៕

អត្ថបទ៖ ទូច សុខា

ពាក្យទាក់ទង

វប្បធម៌

អត្ថបទពេញនិយម

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងការពិត! មនុស្សដំបូងលើករឿង NewJeans ត្រូវគេ Copy Style មិនមែន Min Hee Jin ទេ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

អត្ថបទថ្មី

Pep មិនទាន់សម្រេចអនាគត Joao Cancelo នៅ Man City ទេ

Xavi នឹងបន្តដឹកនាំក្លឹប Barca ១រដូវកាលទៀត

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

ពូឃ្លាំង តារាចាស់វស្សាកំពូលកូរ ចូលទៅកូរដល់ក្នុងឡានអ្នកឈ្នះរបស់គ្រុឌ

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ