Facebook Messenger បន្ថែម​ភាព​ផ្អែមល្ហែម​គូស្នេហ៍ ថ្ងៃ​សេចក្តី​ស្រឡាញ់ 

  • 2018-02-14 02:45:58
  • ចំនួនមតិ 0 | ចំនួនចែករំលែក 0

ចន្លោះមិនឃើញ


នៅ​ថ្ងៃ​ទី ១៤ ខែ​កុម្ភៈ​ខាងមុខ​នេះ Facebook Messenger បង្ហាញ​វត្តមាន​មុខងារ​ថ្មី ជាមួយ​នឹង Effects ពិសេសៗ លើ​ផ្ទាំង​ជជែក​កំសាន្ត ជូន​ដល់​គូ​សង្សារ​បង្កើន​ចំណង​មិត្តភាព​។ 

ទិវា​នៃ​ក្តី​ស្រឡាញ់​ជា​ថ្ងៃ​ដែល​សកម្ម​បំផុត​ក្នុង​ការ​ជជែក​កំសាន្ត​នៅ​ឆ្នាំ ២០១៧ ដូច្នេះ​ក្រុមហ៊ុន​បាន​សម្រេច​ចិត្ត ធ្វើ​អ្វី​មួយ​ជួយ​ដល់​មនុស្ស​បង្ហាញ​ពី​មនោសញ្ចេតនា​។ 

មុខងារ​ថ្មី​នេះ​នឹង​ដំណើរការ សម្រាប់​អ្នក​ដែល​កែប្រែ ទិន្នន័យ​ចំណង​មិត្តភាព (Relationship status) នៅ​ថ្ងៃ​នោះ​ និង​ថ្ងៃ​បន្ទាប់​។ ប្រភេទ Relationship ដែល​អាច​ប្រើ​បាន​រួមមាន In a Relationship, Engaged, In a Civil Union, Married, In a Domestic Partnership និង In an Open Relationship ។ 

ពេល​អ្នក​ផ្លាស់ប្ដូរ​ទិន្នន័យ​ក្នុង Profile អ្នក​នឹង​ទទួល​បាន Notification ក្នុង​កម្មវិធី Messenger។ ក្នុង​ផ្ទាំង​សារ នឹង​មាន Effect រូប​បេះដូង លើ​អេក្រង់​ពេល​អ្នក​បើក​សារ​ជជែក​កំសាន្ត​។

មុខងារ​ដទៃ​ទៀត​រួមមាន Filters និង Effects ជាច្រើន​ក្នុង​កាមេរ៉ា Messenger។ អ្នក​មាន​ជម្រើស Filter រូប​បេះដូង​លើ​ភ្នែក ដែល​មាន​ចលនា​។ Filters ទាំងនេះ​ក៏​អាច​ប្រើ​លើ​ការ​ជជែក​កំសាន្ត​ជា​វីដេអូ​លើ​កម្មវិធី Messenger ផង​ដែរ​៕

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ

ប្រភព៖ DigitalTrends   ប្រែ​សម្រួល៖ ប៊ុនធឿន