Katy Perry វិលរកស្នេហ៍ចាស់ Orlando Bloom វិញ?

2018-02-14 03:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងKaty Perry និងOrlando Bloom បានចែកផ្លូវគ្នាអស់រយៈពេលជិតមួយឆ្នាំមកហើយ ប៉ុន្តែថ្មីៗនេះ មានពាក្យចចាមអារ៉ាមថា តារា២រូបនេះបានស្នាក់នៅ តំបន់លម្ហែមួយជាមួយគ្នានៅលើកោះ Maldives កាលពីខែមុន។ ប្រភពជិតស្និទ្ធនឹងតារាទាំង២នេះបានបញ្ជាក់ថា ពួកគេពិតជាត្រលប់មករកស្នេហ៍ចាស់នេះវិញមែន។

បើតាមវិបសាយ The Sun បានឲ្យដឹងថា៖ "ពួកគេបានត្រលប់មករកស្នេហ៍ចាស់នេះវិញ ហើយ Katy សង្ឃឹមថាលើកនេះពួកគេអាចពង្រឹងទំនាក់ទំនងមួយនេះបានយូរជាងមុន។ នាងបានព្យាយាមណាស់ដែរ ប៉ុន្តែនាងមិនអាចហាមខ្លួនឯងមិនឲ្យថើប Orlando បាន ហើយ Katy ខ្វាយខ្វល់ពីគាត់ខ្លាំងណាស់។ ក្រោយពេលវិលត្រលប់មករកគ្នាវិញនេះ ពួកគេចង់រក្សាទំនាក់ទំនងនេះជាសម្ងាត់"។

ជាមួយគ្នានេះដែរ មានអ្នកគាំទ្រមួយចំនួនបានចាប់អារម្មណ៍ពីរឿងទំនាក់ទំនងរបស់តារា២ដួងនេះដែរកាលពីខែមុន នៅពេលដែល Katy និង លោក Orlando បានបង្ហោះរូបភាពនៅ តំបន់លម្ហែមួយឈ្មោះ Amilla Fushi ក្នុងពេលជាមួយគ្នា។

គួររម្លឹកដែរថា តារាចម្រៀង Katy Perry ចាប់ផ្ដើមមានទំនាក់ទំនងស្នេហាជាមួយ Orlando Bloomក្រោយពួកគេបានជួបគ្នាក្នុងកម្មវិធីពានរង្វាន់ Golden Globe Awards ក្នុងឆ្នាំ២០១៦ ហើយក្នុងខែមីនាឆ្នាំមុននេះ ពួកគេបានប្រកាសចែកផ្លូវគ្នា ហើយថ្មីៗនេះក៏មានពាក្យចចាមអារ៉ាមថាពួកគេបានវិលត្រលប់រកគ្នាវិញ៕

ចុចអាន៖

ប្រភព៖ Kenh14 ប្រែសម្រួល៖ អន សុភក្ត្រា