ប្រមុខដឹកនាំនៅស្ថាប័នកំពូលអាមេរិក ដៀមដាមចំៗដាក់ទូរសព្ទមកពីចិន

2018-02-18 02:12:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រមុខដឹកនាំកំពូលៗមកពីស្ថាប័ន CIA, FBI និង NSA បានថ្លែងជាសាធារណៈណែនាំឲ្យពលរដ្ឋអាមេរិក កុំប្រើប្រាស់សេវាកម្មឬផលិតផលមានប្រភពមកពីប្រទេសចិន។

ថ្លែងដោយវាយប្រហារចំៗលើគូប្រជែង Apple គឺក្រុមហ៊ុន Huawei និងក្រុមហ៊ុនទូរគមនាគមន៍ចិន ZTE នាយកគ្រប់គ្រង FBI លោក Chris Wray បានបញ្ជាក់ដូច្នោះ "យើងព្រួយបារម្ភជាខ្លាំងជុំវិញហានិភ័យក្នុងការបើកផ្លូវឲ្យក្រុមហ៊ុនបរទេស ដែលមិនផ្ដល់តម្លៃដល់សក្ដានុពលនៃប្រព័ន្ធទូរគមនាគមន៍របស់យើង"។

បុរសវ័យ ៤០ ឆ្នាំបន្តថា "នេះជាការដាក់សម្ពាធដ៏ធ្ងន់ធ្ងរមួយលើហេដ្ឋារចនាសម្ព័ន្ធប្រព័ន្ធទូរគមនាគមន៍ ដែលអាចផ្តល់ឱកាសឲ្យក្រុមហ៊ុនក្រៅស្រុក លួចយកព័ត៌មានឬកែប្រែនូវចំណុចណាមួយ ក៏ដូចជាអំពើចារកម្មដោយសម្ងាត់"។

រំឭកថាកន្លងទៅប្រធានផ្នែកនៃក្រុមហ៊ុន Huawei លោក Richard Yu បានប្រកាសពីគោលដៅវាយលុកទីផ្សារអាមេរិក ក្នុងការបញ្ចេញលក់ផលិតផលនិងសេវាកម្ម តាមការចាប់ដៃគូជាមួយក្រុមហ៊ុន AT&T។ ប៉ុន្តែលោក Michael Rogers ដែលជានាយកស្ថាប័ន NSA ក៏ព្រមានទុកជាមុន "នេះជាប្រកួតប្រជែងក្នុងរយៈពេលដ៏យូរអង្វែងមួយ ដែលក្រុមហ៊ុនក្នុងស្រុកត្រូវខិតខំពង្រឹងបន្ថែម ហើយជំរុញឲ្យ AT&T គួរច្រានចោលកិច្ចព្រមព្រៀងមួយនេះ"។