ខ្លោចចិត្ត! ខ្មាន់កាំភ្លើងបាញ់រះសាលារៀនសម្លាប់មនុស្ស១៧នាក់ចំថ្ងៃក្តីស្រលាញ់
- 2018-02-15 08:35:01
- ចំនួនមតិ 0 | ចំនួនចែករំលែក 0
ខ្លោចចិត្ត! ខ្មាន់កាំភ្លើងបាញ់រះសាលារៀនសម្លាប់មនុស្ស១៧នាក់ចំថ្ងៃក្តីស្រលាញ់
ចន្លោះមិនឃើញ
សោកនាដកម្មកម្មនៅតំបន់ Broward County រដ្ឋហ្លរីដា សហរដ្ឋអាមេរិកបានសម្លាប់មនុស្ស១៧នាក់ បន្ទាប់ពីខ្មាន់កាំភ្លើងម្នាក់បានបាញ់រះទៅលើសាលាវិទ្យាល័យមួយកន្លែងនៅថ្ងៃទី១៤ ខែកុម្ភៈ ដែលត្រូវជាថ្ងៃក្តីស្រលាញ់។
សមត្ថកិច្ចបានឲ្យដឹងថា វិទ្យាល័យ Marjory Stoneman Douglas High School នៅតំបន់ Parklan ដែលមានចម្ងាយ៧២គីឡូម៉ែត្រភាគខាងជើងទីក្រុងម៉ៃមីបានរង់ការវាយប្រហារបាញ់រះពីខ្មាន់កាំភ្លើងម្នាក់។ សមត្ថកិច្ចបានចាប់ខ្លួនជនសង្ស័យឈ្មោះ Nikolas Cruz អាយុ១៩ឆ្នាំជាអតីតសិស្សនៅសាលានោះដែរ។
លោកប៉ូលិស Sheriff Scott Israel បានប្រាប់ថា ជនសង្ស័យ Cruz ត្រូវបានបណ្តេញចេញពីសាលារៀនខាងលើពាក់ព័ន្ធនឹងប្រព្រឹត្តខុសវិន័យសាលា។ ជនរងគ្រោះ១២នាក់បានស្លាប់នៅកន្លែងក្នុងអគារសាលា ២នាក់បានស្លាប់នៅខាងក្រៅសាលា ១នាក់ស្លាប់នៅតាមផ្លូវ និង២នាក់ទៀតស្លាប់នៅក្នុងមន្ទីរពេទ្យ។
លោកបញ្ជាក់ថា ជនរងគ្រោះមានក្មេង និងមនុស្សធំ។ សិស្សានុសិស្សផ្សេងៗទៀតបានពួនក្នុងបន្ទប់រៀនរហូតដល់ក្រុមសមត្ថកិច្ចទៅជួយសង្គ្រោះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
