ស្ត្រីចិនម្នាក់ចូលខ្លួនស្កែនកាំរស្មីអ៊ិចជាមួយកាបូប ព្រោះហេតុផលហួសចិត្តមួយ!

2018-02-16 03:23:50
ចំនួនមតិ 0 | ចំនួនចែករំលែក 0

ចន្លោះមិនឃើញ

បារម្ភខ្លាចបាត់កាបូបនៅកន្លែងត្រួតពិនិត្យសុវត្ថិភាពមែនទេ? ស្ត្រីជនជាតិចិនម្នាក់នេះបានចូលរួមជាមួយកាបូបដៃរបស់នាងឆ្លងកាត់ម៉ាស៊ីនកាំរស្មីអ៊ិចដើម្បីទប់ស្កាត់រឿងនេះ។

បុគ្គលិកនៅស្ថានីយរថភ្លើងតុងគ័ននៅភាគខាងត្បូងចិនមានការភ្ញាក់ផ្អើលជាខ្លាំងដែលឃើញរូបភាពស្រមោលនៃអ្នកដំណើរលើរថភ្លើងម្នាក់នៅលើកញ្ចក់កាំរស្មីអ៊ិចរបស់ពួកគេ។

វីដេអូលើអនឡាញមួយបានបង្ហាញថាឧបទ្ទវហេតុចម្លែកនេះបានកើតឡើងកាលពីថ្ងៃអាទិត្យ ទី១១ កុម្ភៈក្នុងអំឡុងពេលប្រញាប់ប្រញាល់ធ្វើដំណើរចូលរួមបុណ្យចូលឆ្នាំចិនតាមភូមិស្រុក។

បន្ទាប់ពីលោតចុះពីកន្លែងស្កែន ស្ត្រីចិនរូបនោះបានពិនិត្យមើលកាបូបរបស់ខ្លួន ហើយចាកចេញ។

រូបភាពកាំរស្មីអ៊ិចនោះបានបង្ហាញស្ត្រីម្នាក់នេះកំពុងលុតជង្គង់នៅពីខាងក្រោយអីវ៉ាន់របស់នាង ទាំងពាក់ស្បែកជើងកែងចោត។

គេដឹងមិនច្បាស់ទេថាតើហេតុអ្វីបានជាស្ត្រីនោះព្រួយបារម្ភម្ល៉េះអំពីកាបូបរបស់នាង ប៉ុន្តែមនុស្សជាច្រើននៅប្រទេសចិនបានដាក់សាច់ប្រាក់យ៉ាងច្រើនតាមខ្លួន នៅពេលធ្វើដំណើរទៅស្រុកសម្រាប់ពិធីចូលឆ្នាំចិន៕

ប្រភព ៖ rasmeinews