វត្ថុសាមញ្ញទាំងនេះ អ្នកមិនគួរទុកចោលក្នុងរថយន្ត

2018-02-16 07:00:14
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តត្រូវបានគេផលិតឡើងសម្រាប់ធ្វើដំណើរ ប៉ុន្តែមិនមែនសម្រាប់ជាឃ្លាំងរក្សាទុកវត្ថុឡើយ។ រក្សាទុកវត្ថុទាំងប៉ុន្មានខាងក្រោមនេះក្នុងរថយន្តអាចធ្វើឲ្យប៉ះពាល់សុខភាព និងសុវត្ថិភាពរបស់អ្នកក៏ថាបាន។

ឱសថ

ឱសថរឹតវត្ថុដែលចាំបាច់ត្រូវរក្សាទុកក្នុងកន្លែងដែលមានកម្រិតសីតុណ្ណភាពកម្រិតស្តង់ដារដើម្បីរក្សាគុណភាព។ បើអ្នកទុកក្នុងរថយន្តដែលថតចោលក្រោមកម្តៅថ្ងៃប្រាកដជាធ្វើឲ្យប៉ះពាល់ដល់គុណភាពមិនខាន។

គ្រឿងអេឡិចត្រូនិក

គ្រឿងអេឡិចត្រូនិកដែលមានតម្លៃដូចជា កុំព្យូទ័រ ទូរសព្ទដៃ និងឧបករណ៍អេឡិចត្រូនិកដែលផ្ទុកព័ត៌មានអាចនឹងងាយធ្វើឲ្យគេលួច។ បើអ្នកមានតួនាទីធំណាមួយ ឬទទួលខុសត្រូវរក្សាឯកសារសំខាន់ៗក្នុងឧបករណ៍អេឡិចត្រូនិកដាច់ខាតមិនត្រូវទុកក្នុងរថយន្តឡើយ បើពុំនោះទេខួចទាំងរថយន្ត បាត់ទាំងឯកសារ។

ក្រែមការពារកម្តៅថ្ងៃ

ក្រែមការពារកម្តៅថ្ងៃ ឬ Sunscreen មានគ្រឿងផ្សំដ៏សកម្មដើម្បីទប់ស្កាត់កម្តៅថ្ងៃ។ ប្រសិនបើរក្សាទុកវាក្នុងរថយន្តនៅពេលថ្ងៃក្តៅអាចធ្វើឲ្យកាត់បន្ថយប្រសិទ្ធភាពរបស់វាបាន។ លើសពីនេះ កម្តៅអាចធ្វើឲ្យវាផ្ទុះបែក និងបន្សល់ទុកក្លិនមិនល្អ និងស្មោកគ្រោកក្នុងរថយន្ត។

ដបទឹកសុទ្ធ

ការសិក្សាបានបង្ហាញថា សារធាតុគីមី BPA និងអាស៊ីតត្រូវបានគេរកឃើញក្នុងសំបកដបទឹកសុទ្ធដែលអាចបង្កគ្រោះថ្នាក់បាន។ ទុកសំបកដបក្នុងរថយន្តដែលស្ថិតក្រោមកម្ដៅថ្ងៃអាចធ្វើឲ្យរលាយជាតិគីមីទាំងនេះចូលក្នុងទឹក។ ដូច្នេះប្រសិនបើអ្នកពិសាទាំងទាំងនោះក៏អាចមានបញ្ហាដល់សុខភាពដែរ។

កាបូបដៃ

វាមិនខុសអីពីឧបករណ៍អេឡិចត្រូនិកនោះទេ កាបូបដៃ ឬកាបូបស្ពាយនៅក្នុងរថយន្តក៏ក្លាយជាមុខសញ្ញាសម្រាប់ចោរដែរ។ ប្រសិនបើរថយន្តរបស់អ្នកទំនើបអាចចាក់សោដោយមានសំឡេងរោរ៍ បើមាននរណាម្នាក់ប៉ះពាល់អាចជាការប្រសើរដែរ ប៉ុន្តែចុះបើរថយន្តមិនសូវទំនើប ឬចាស់គ្មានសំឡេងជាដើម្បី ហើយស្ងាត់ទៀតអាចត្រូវបានចោរវាយកញ្ចក់ចូលយកមិនខាន។

វ៉ែនតា

ប្រើវ៉ែនតាការពារកម្តៅថ្ងៃពាក់ដើម្បីបើកបររថយន្តជាការប្រសើរហើយ ប៉ុន្តែកុំទុកវាក្នុងរថយន្ត។ កម្តៅអាចធ្វើឲ្យប៉ះពាល់ដល់គុណភាពរបស់វារហូតឡើងកម្តៅខ្លាំងដែលពិបាកពាក់។ ទុកវ៉ែនតា ឬវ៉ែនតាការពារកម្តៅថ្ងៃនៅលើប៉ាណ្ណូនាឡិកាក្នុងឡានរឹតតែធ្ងន់ធ្ងរថែមទៀត ពីព្រោះកញ្ចក់ខាងមុខរថយន្តអាចទាញកម្តៅថ្ងៃដូចជាកញ្ចក់ស្រួបដែរ។ នេះបើតាមការឲ្យដឹងពី Susan Thomas អ្នកនាំពាក្យសមាគមអ៊ុកទិកអាមេរិក។

ឯកសារសំខាន់ៗ

បើអ្នកមានឯកសារសំខាន់ផ្ទាល់ខ្លួនដែលគ្រោងធ្វើកិច្ចការសំខាន់ៗអ្នកត្រូវប្រុងប្រយ័ត្ន។ យកល្អ អ្នកមិនត្រូវទុកក្នុងរថយន្តនៅពេលអ្នកចាកចេញពីរថយន្ត។ ចុះប្រសិនបើនរណាវាយបំបែកកញ្ចក់ចូលយកវត្ថុក្នុងរថយន្ត ឬមានបញ្ហាប្រការណាមួយនោះ អ្នកប្រាកដជាវេទនាហើយ។

លិខិតឆ្លងដែន

មិនត្រូវទុកលិខិតឆ្លងដែនក្នុងឡានជាដាច់ខាតនៅពេលធ្វើដំណើរ។ មែនទែនទៅ ទុកអ្វីមួយក្នុងរថយន្ត ហើយចាកចេញនោះងាយភ្លេចភ្លាំងណាស់ ជាពិសេសពេលត្រូវធ្វើដំណើរឆ្លងដែនជាដើម។ ប្រការដ៏បំផុតគឺរក្សាទុកលិខិតឆ្លងដែនក្នុងហោប៉ៅ ឬក្នុងកាបួបជាប់ខ្លួន។

ស្រា