ម៉ូដសក់ចម្លែកៗរបស់តួស្រីក្នុងរឿងចិនបុរាណ ឃើញហើយកប់យោបល់

2018-02-17 05:14:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងរឿងបុរាណចិននីមួយៗ ក្រៅពីសាច់រឿង និងតួអង្គ អ្វីដែលទស្សនិកជនចាប់អារម្មណ៍ទៀតនោះគឺ ស្ទីលតុបតែងខ្លួន ទាំងម៉ូដសក់ និងឈុតសំលៀកបំពាក់តាមសម័យកាលផ្សេងៗគ្នា។

ប្រសិនបើក្នុងរឿងខ្លះ រឿងតម្រូវឲ្យតួទាំងអស់ធ្វើសក់ធម្មតា នោះមិនមែនជាបញ្ហាទេ តែរឿងខ្លះទៀត តួត្រូវលើកសក់ឡើង ឫតុបតែងម៉ូដចម្លែកៗ ឃើញហើយអ្នកទស្សនាចេះតែនឹកប្រដូចទៅនឹងអ្វីផ្សេងទៀត។

១. ម៉ូដសក់របស់តារាសម្ដែង Guan Xiaotong ក្នុងរឿង "Untouchable Lovers”

គ្រាន់តែឃើញម៉ូដសក់នេះភ្លាម អ្នកទស្សនារឿង នឹកឃើញមុនគេ គឺម៉ាស៊ីនដេរ។ ដូចនេះពេលឃើញតួនាងក្នុងរឿង ពួកគេមើលមកនាងដូចទូលម៉ាស៊ីនដេរ។

២. ម៉ូដសក់របស់ Cecilia Han ពេលសម្ដែងក្នុងរឿង "Lost Love in Times”

ម៉ូដសក់នេះបានធ្វើឲ្យអ្នកទស្សនាស្រមៃដល់ រូបភាពក្ដាមដ៏ធំ។

៣. ម៉ូដសក់របស់ Michelle Chen ក្នុងរឿង "The Romance of the Condor Heroes”

សម្ដែងជាតួ សៀវឡុងនី កាលពីឆ្នាំ ២០១៤ Michelle បានធ្វើឲ្យគ្រប់គ្នាភ្ញាក់ផ្អើលគួរសម ពេលបង្ហាញខ្លួនដំបូងក្នុងរឿងជាមួយម៉ូដសក់ចម្លែកៗ។

៤. ម៉ូដសក់ Ada Liu ក្នុងរឿង "The Four II”

ក្នុងរឿងផលិតឆ្នាំ ២០១៣នេះ Ada ដើរតួជាបិសាចកញ្ជ្រោង តែពាក្យថាបិសាចនេះមិនបានធ្វើឲ្យទស្សនិកជនខ្លាចទេ មានតែផ្ទុះសំណើចទៅវិញ ដោយសារឃើញម៉ូដសក់រាងដូចកាំរទេះរបស់នាង។

៥. ម៉ូដសក់ Susan Tse ក្នុងរឿង "Beyond the Realm of Conscience”

កាលពីឆ្នាំ ២០០៩ តារាស្រី Susan Tseបានសម្ដែងជាតួ ស្ដេចស្រី Dowager Guo ក្នុងរឿង "Beyond the Realm of Conscience”។ ក្រៅពីការសម្ដែងក្នុងភាពយន្តបែបបុរាណនេះ អ្វីដែលធ្វើឲ្យអ្នកតាមដានរឿងនេះមិនអាចបំភ្លេចអ្នកស្រីបាន គឺម៉ូដសក់ដែលមានរាងដូចដៃកំសៀវទឹក។

ទាំងនេះសុទ្ធសឹងជាការរចនាតុបតែងយ៉ាងយកចិត្តទុកដាក់ពីអ្នកច្នៃម៉ូដ ឲ្យស្របទៅតាមសម័យកាលរបស់សាច់រឿងនីមួយៗ។ ថ្វីត្បិតវារាងចម្លែកបន្តិច ប៉ុន្តែម៉ូដសក់ទាំងនោះ ក៏ស្រស់ស្អាតមិនចាញ់គ្នាដែរ៕

ប្រភព៖ jaynestars ប្រែសម្រួល៖ យី សុធារី