ពីក្រោយវាំងននម៉ាស្សា

2014-09-22 14:10:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាងម៉ាស្សាកោសជប់ គឺជាកន្លែងមួយដែលបុរសៗនិយមចូលចិត្តទៅម៉ាស្សា នៅពេលគាត់មិនសូវស្រួលខ្លួន ឬខ្យល់ចាប់ជាដើម។ ទន្ទឹមនឹងនេះ មានមតិមួយចំនួនបានលើកឡើងថា កន្លែងម៉ាស្សាខ្លះដែលបិទបាំងដោយវាំងននម៉ាស្សានោះ មានបង្កប់នូវសេវាបម្រើផ្លូវភេទ។

រូបតំណាង (virginiasolesmith)

សុផា អាយុ២៩ឆ្នាំ ដែលជាអ្នកប្រកបរបរម៉ាស្សានៅសង្កាត់បឹងកេងកង៣ បាននិយាយប្រាប់ថា អ្នកនាងបានចូលមកបម្រើការងារនៅកន្លែងម៉ាស្សានេះជិតមួយឆ្នាំហើយ ដោយពីមុខអ្នកនាងធ្វើការជានារីខារ៉ាអូខេ នៅហាងខារ៉ាអូខេមួយកន្លែង តាមបណ្ដោយផ្លូវ២៧១។ ជុំវិញបញ្ហាសេវាបម្រើផ្លូវភេទនៅកន្លែងម៉ាស្សានេះ សុផាបានឲ្យដឹងថា៖ "តាមពិតទៅ គេមិនឲ្យមានសេវានេះទេ តែដោយសារតែប្រាក់ចំណូលដែលបានមកពីការម៉ាស្សានេះតិចតួចពេក ទើបបង្ខំចិត្តបម្រើសេវាផ្លូវភេទបន្ថែមដោយខ្លួនឯង ប៉ុន្តែមិនឲ្យម្ចាស់ហាងដឹងទេ"។

-អានអត្ថបទ៖ ប្លុកខារ៉ាអូខេថ្មីមហាធំនៅភ្នំពេញប្លែកភ្នែកបើមិនធ្លាប់ទៅដល់

មានហេតុផលស្រដៀងគ្នានេះដែរ សុធា អាយុ៣៥ ឆ្នាំធ្វើការជាអ្នកម៉ាស្សាមួយរូបដែរ បានទម្លាយអាថ៌កំបាំងនៃសេវាកម្មដ៏ស្រើបស្រាលនេះដែរថា សព្វថ្ងៃនាងបានម៉ាស្សាឲ្យភ្ញៀវដោយស៊ីភាគរយពីម្ចាស់ហាងប៉ុណ្ណោះ គឺក្នុងតម្លៃម៉ាស្សា១២០០០រៀល ហើយនាងទទួលបាន៥០០០រៀលពីថៅកែ។

សុធាបានបន្ថែមថា៖ សព្វថ្ងៃដើម្បីបានប្រាក់ មានតែលួចលាក់ផ្ដល់សេវាផ្លូវភេទជាមួយភ្ញៀវ ប៉ុន្តែមិនឲ្យថៅកែដឹងទេ។ បើមិនធ្វើបែបនេះ តើបានលុយពីណាសម្រាប់ចិញ្ចឹមកូនខ្ញុំនៅស្រុកកំណើតទៅ?"។

យ៉ាងណាមិញ កញ្ញា ស្រីរ័ត្ន ដែលជាអ្នកម៉ាស្សានៅសង្កាត់ទួលស្វាយព្រៃ១ ខណ្ឌចំការមន បានបដិសេធយ៉ាងដាច់អហង្ការថា កន្លែងគេផ្សេងនាងមិនដឹងទេ តែសម្រាប់កន្លែងម៉ាស្សារបស់នាងវិញ គឺដាច់ខាតមិនមានបង្កប់នូវការផ្ដល់សេវាផ្លូវភេទដល់ភ្ញៀវទេ គឺមានត្រឹមតែម៉ាស្សាកោសជប់ ដើម្បីសុខភាពតែប៉ុណ្ណោះ។

កញ្ញាថា៖ "បើសិនជាមានលួចលាក់រួមភេទជាមួយភ្ញៀវ ថៅកែដឹង ច្បាស់ជាដេញចេញជាមិនខានឡើយ។ ណាមួយបើអាជ្ញាធរមូលដ្ឋានចុះមកត្រួតពិនិត្យដឹងថា មានបង្កប់សេវានេះ ច្បាស់ជាត្រូវបិទទ្វា ហើយប្រឈមនឹងច្បាប់ជាមិនខានឡើយ"។

លោក វុទ្ធី អាយុ៣០ឆ្នាំ រស់នៅក្នុងរាជធានីភ្នំពេញ ដែលឧស្សាហ៍ចូលទៅម៉ាស្សា និងកោសជប់ បានឲ្យដឹងថា កន្លែងម៉ាស្សាមួយចំនួនពិតជាមានបង្កប់សេវាផ្លូវភេទនេះពិតមែន ដោយជ្រកក្រោមយីហោម៉ាស្សាកោសជប់ ជាដើម តែតាមពិតច្បាស់ណាស់គឺមានបម្រើសេវាផ្លូវភេទ មានកន្លែងខ្លះសូម្បីតែថៅកែហាងក៏មិនបានដឹងថា បុគ្គលិករបស់ខ្លួនលួចបម្រើសេវានេះផង។

-អានអត្ថបទ៖ ៤សន្លឹកប្រចាំកាន់បិណ្ឌកុំថាដល់ព្រះសង្ឃសូម្បីឧបាសកក៏ក្ដៅសាច់ដុំភ្នែក

ទាក់ទងទៅនឹងបញ្ហានេះ លោកមេធាវី សុក សំអឿន ប្រធានអ្នកច្បាប់កម្ពុជាបានបកស្រាយថា កន្លែងម៉ាស្សាកោសជប់ ដែលមានបង្កប់សេវាកម្មផ្លូវភេទ គឺជារឿងខុសច្បាប់ ហើយម្ចាស់ហាងផ្ទាល់ គឺជាអ្នកដែលត្រូវទទួលខុសត្រូវចំពោះមុខច្បាប់ ប្រសិនបើគាត់ជាអ្នកយកកម្រៃជើងសារ ឬក៏ជាអ្នកទាក់ទងស្រីឲ្យភ្ញៀវ។

លោកមេធាវីបានបន្តទៀតថា៖ "ប៉ុន្តែបើសិននារីទាំងនោះជាអ្នកផ្ដល់សេវា និងភ្ញៀវត្រូវរូវគ្នាហើយ ពួកគេទៅរួមភេទខាងក្រៅ មិននៅក្នុងកន្លែងម៉ាស្សា គឺមិនមានបញ្ហាទេ ព្រោះវាជាការព្រមព្រាងគ្នា"៕

អត្ថបទ៖ យិន សំបូរ

ពាក្យទាក់ទង

ព័ត៌មានសង្គម

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

អត្ថបទថ្មី

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤

ធ្វើលិខិតថ្កោលទោសតាមអនឡាញដំណាក់កាលទី២ ចាប់ពីខែក្រោយ នឹងកាន់តែងាយស្រួលរហ័សជាងមុនទៀត

បែកគ្នា ២៥ឆ្នាំ ទើបជួបក្នុងវ័យជ្រេរៀងៗខ្លួន ក្នុងឆ្នាំ២០២៤ ប៉ុន្ដែម៉ាក់ថឺង និងមើយចឺយ នៅតែផ្អែមល្ហែម