ប្លុកខារ៉ាអូខេថ្មីមហាធំនៅភ្នំពេញប្លែកភ្នែកបើមិនធ្លាប់ទៅដល់

2014-09-19 21:20:11
ចំនួនមតិ 0 | ចំនួនចែករំលែក 0

ចន្លោះមិនឃើញ

១០ឆ្នាំគត់ដែលផ្លូវម៉ៃដា បានអភិវឌ្ឍ ភ្ជាប់ពីផ្លូវ២៧១(អូបែកក្អម) ឡើងទៅកាន់ផ្លូវសហព័ន្ធរុស្ស៊ី(ស្តុបផ្សារសិនជូរីពោធិ៍ចិនតុង)។

ប្រសិនមិនដែលធ្វើដំណើរកាត់សោះបីបួនឆ្នាំចុងក្រោយនេះ នោះអ្នកប្រាកដនឹងស្រឡាំងកាំងបើបានជិះឆ្លងផ្លូវយកលុយឡានបើកកាត់នេះ។ ទីដែលកាល១ទសវត្សមុន សែនស្ងាត់ជិះកាត់ពេលយប់ខ្លាចទាំងខ្មោចទាំងមនុស្សនោះ ឥឡូវនេះខុសមុនហៅលែងឮ គឺថាបានក្លាយជាបណ្ដុំសួនបុប្ផារាត្រីស្លៀកខ្លីសិចស៊ី អង្គុយជាជូរៗ បណ្ដាក់គ្នាពីផ្ទះមួយទៅមួយវែងអន្លាយដាច់កន្ទុយភ្នែក។

៤សន្លឹកប្រចាំកាន់បិណ្ឌកុំថាដល់ព្រះសង្ឃសូម្បីឧបាសកក៏ក្ដៅសាច់ដុំភ្នែក

ទីនេះបានប្រែមុខជាប្លុកខារ៉ាអូខេ រង្គសាល បៀលហ្គាឌិន ក្លិបរាត្រី កន្លែងកម្សាន្តសប្បាយ ដ៏ធំផ្ដាច់គេមិនត្រឹមតែភ្នំពេញទេ គឺថាមួយស្រុកខ្មែររកប្រៀបគ្មានផង។ ភ្លើងពណ៌ស្រទន់ៗតាមផ្ទះល្វែងនីមួយៗ តែងតែគ្របលើនារីក្មេងៗស្លៀកស្ដើងៗខ្លីៗ ដែលផាត់មុខព្រឿងៗដោយម្សៅ និង ម៉ាស្ការ៉ាភ្នែក។

ទៅដល់ទីនោះ បើអ្នកហ៊ានតែបង្អង់ឡាន ឬ បន្ថយល្បឿនម៉ូតូងាកខាង អ្នកនឹងទទួលការស្វាគមន៍យ៉ាងលឿន ពីយុវជនតែងខ្លួនស្ទាវៗ ស្ទុះមកបោយដៃ មកទាញដៃហៅអ្នកថា «មេ! អញ្ជើញមេ! អញ្ជើញចូល» និងរៀបរាប់ពីតម្លៃ សេវាដែលពួកគេមានប្រាប់អ្នកយ៉ាងរអិលស្ទាត់មាត់ នៅពីមុខនារីអង្គុយលើកៅអីជាជួរៗ ដែលកំពុងបាញ់ភ្នែកសំដៅអ្នកក្រោមពន្លឺភ្លើងស្រាលៗ។

ប្រជាជនតំបន់នោះនិយាយថាខារ៉ាអូខេទាំងនោះ ភាគច្រើនជាលំដាប់ធម្យម មិនដល់លំដាប់កាលីបៗអស់លេខនោះទេ។ សេវាកម្សាន្តទីនោះចាប់ផ្ដើមតាំងពីក្បាលព្រលប់រហូតដល់ម៉ោង២យប់។