ម្ចាស់ហាងលក់គ្រឿងអេឡិចត្រូនិកចាស់ៗ បង្ហើបរឿងហួសចិត្ត ទម្រាំជោគជ័យដល់សព្វថ្ងៃនេះ

2018-02-19 04:50:45
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក សាន គឹមហុង ម្ចាស់ហាងលក់គ្រឿងអេឡិចត្រូនិកចាស់ៗ តាំងពីទសវត្ស ៥០-៩០ បានបង្ហើបរឿងហួសចិត្តមួយ ទម្រាំលេចជារូបរាងហាងលក់ឧបករណ៍បុរាណមកដល់សព្វថ្ងៃនេះ។ អ្វីទៅជារឿងគួរឲ្យហួសចិត្ត របស់បុរសវ័យ ៤១ឆ្នាំរូបនេះ?

សូមទស្សនាវីដេអូ

អ្នកស្រលាញ់ឧបករណ៍អេឡិចត្រូនិកចាស់ៗខាងលើបាននិយាយប្រាប់ក្រុមការងារផ្លូវទៅស្រុកថា ផ្ដើមចេញពីការស្រលាញ់របស់ចាស់ៗ ជាពិសេសកាមេរ៉ា និង ឧបករណ៍ភ្លេងបុរាណ លោកបានយកវត្ថុចាស់មួយចំនួនយកទៅដាក់លក់ក្បែរតូបលក់ខោវ-អាវ ភរិយា ដែលមិនដឹងថាគេទិញឬអត់នោះទេ ផ្ទុយពីការគិតនេះ របស់ទាំងនោះមានគេចាប់អារម្មណ៍ច្រើនទៅវិញ។

Link-to ហាងប្រមូល និងលក់គ្រឿងអេឡិចត្រូនិកចាស់ៗធំជាងគេ នៅខេត្តសៀមរាប កំពុងទាក់ចិត្ត មនុស្សវ័យកណ្ដាល

«ឆ្នាំ ២០១២ សុំតូបប្រពន្ធនៅផ្សាររាត្រី (តូបលក់ខោវ អាវ) ឆ្លៀតដាក់លក់គ្រឿងអេឡិចត្រូនិកចាស់ៗ។ ក្រោយដាក់លក់ម៉ាស៊ីនអង្គុលីលេខ ម៉ាស៊ីនថត កាសែត ចាស់ៗ ៤-៥ មុខ ស្រាប់តែមានគេចាប់អារម្មណ៍ក៏បង្កើតបានជាងហាងឡើងមកដល់សព្វថ្ងៃនេះ»។ លោក គឹមហុង និយាយ។

ហាងប្រមូល និងលក់គ្រឿងអេឡិចត្រូនិករបស់លោក សាន គីមហុង ត្រូវបានបង្កើតឡើងនៅឆ្នាំ២០១២ នៅផ្សាររាត្រី។ ប៉ុន្តែក្រោយមក លោកបានប្ដូរមកទីតាំងថ្មី នៅសង្កាត់ស្វាយដង្គុំ ក្រុងសៀមរាប ខេត្តសៀមរាប នៅឆ្នាំ២០១៥។

សព្វថ្ងៃនេះហាងខាងលើមានដាក់លក់ឧបករណ៍ចាស់តាំងពីទសវត្ស ៥០-៩០ ដែលមានដូចជា កាម៉េរ៉ា ម៉ាស៊ីនបញ្ចាំងកុន ម៉ាញ៉េ, វិទ្យុ, ម៉ាស៊ីន និង ថាសចម្រៀងពីដើម, ម៉ាស៊ីនអង្គុលីលេខ, នាឡិកា, ព្យាណូ, ទូរទស្សន៍, និង កាសែតចាស់ៗ ជាដើម។

ក្រោយពីទទួលបានការគាំទ្រច្រើនពីអតិថិជនលើការបញ្ជាទិញគ្រឿងអេឡិចត្រូនិកចាស់ៗរួចមក លោក សាន គឹមហុង បានប្រាប់ពីផលលំបាកខ្លះៗដែរថា មុខរបរមួយនេះដំបូងឡើយថា មិនរំពឹងមានអ្នកគាំទ្រ ប៉ុន្ដែ ក្រោយពីមានត្រូវការច្រើន ផលលំបាកមួយនោះគឺ មិនដឹងរកទិញវត្ថុចាស់ៗនៅកន្លែង។ ដូច្នេះហើយលោកបានសម្រេចដើររកតាមអ្នកថតរូបនៅអង្គរវត្ត ដើម្បីស្វែងរកកាមេរ៉ាចាស់ៗ ដែលគេលែងប្រើ និង បានបោះមួយជំហានក្រោយទៀត ស្វែងរកតាមអ៊ិនធឺណិត និងបញ្ជាទិញពីបរទេសមកវិញ។

ការបង្កើតអាជីវកម្មនេះឡើងក៏ដោយសារឈរលើទ្រឹស្ដីមួយដែលនាំឲ្យលោកជោគជ័យមកដល់សព្វថ្ងៃនេះគឺ «រកស៊ីជោគជ័យផ្ដើមពីសេចក្ដីស្រឡាញ់»។ លោកបានរៀបរាប់ទៀតថា «អាជីវកម្មមួយទៅដោយមិនសប្បាយចិត្តអត់ជោគជ័យទេ។ តែអានេះខ្ញុំចង់ ព្រោះតាំងពីអំឡុងឆ្នាំ ១៩៩០-១៩៩៣ ខ្ញុំចូលចិត្តកាមេរ៉ា ម៉ាកកាណុង កាលនៅតូច តែពេលនោះខ្ញុំអត់លទ្ធភាព ពេលទិញបានខ្ញុំគិតតែពីជូតលាងរហូត»។

ចុចអាន៖ អ្នកចូលចិត្តគ្រឿងអេឡិចត្រូនិកចាស់ៗ៖ «រកស៊ីជោគជ័យផ្ដើមពីសេចក្ដីស្រឡាញ់»

លោក សាន គឹមហុង បានបន្តថា បច្ចុប្បន្ននេះទីផ្សារឧបករណ៍ចាស់ៗ កំពុងពេញនិយម ព្រោះតែ ផ្ទះសំណាក់ សណ្ឋាគារ ហាងកាហ្វេ និង ភោជនីយដ្ឋានមួយចំនួនបានទិញយកទៅរចនាបែបបុរាណ ដើម្បីទាក់ទាញភ្ញៀវ។

បុរសកូនពីរនាក់ប្រុស ១ និង ស្រី ១ ខាងលើបានបង្ហើបពីក្ដីប្រាថ្នានាពេលអនាគតថា «អនាគតខ្ញុំចង់ពង្រីកហាងឲ្យធំជាងនេះ ប្រមូលផ្ដុំដោយ អ្នករចនា ជាងជួសជុលចាស់ៗ ដូចជា ជាងម៉ូតូ, នាឡិកា, ម៉ាញ៉េ ជាពិសេសអ្នកនិយមរបស់ចាស់ៗ ជុំគ្នានៅហាងកាហ្វេខ្ញុំចង់បង្កើតនៅក្នុងហាងនេះ»៕