បាញ់ទឹកអប់មិនមែនចេះតែបាញ់ទេ តែតាមពិតមានតិចនិកបាញ់ ធ្វើយ៉ាងណាឲ្យជាប់ក្លិនបានយូរ!

2018-02-19 11:28:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ការមានក្លិនក្រអូបគឺជារឿងសំខាន់មួយ ព្រោះវាអាចជាកត្តាមួយជួយលោកអ្នកឲ្យមានទំនុកចិត្តលើខ្លួនឯងជាងមុន។ ដូច្នេះការប្រើទឹកអប់គឺជាជម្រើសមួយក្នុងការធ្វើឲ្យមិត្តអ្នកអានមានក្លិនក្រអូបទាក់ទាញ។ ទោះជាយ៉ាងណា ការធ្វើឲ្យក្លិនទឹកអប់ជាប់បានយូរ គឺជាមន្ទិលសម្រាប់មនុស្សជាច្រើន។ ស្របក្នុងន័យនេះ អត្ថបទនឹងបង្ហាញពីទីតាំងនៃរាងកាយ ដែលលោកអ្នកគួរបាញ់ទឹកអប់ដើម្បីឲ្យជាប់ក្លឹបបានយូរ។

បើតាមអ្នកជំនាញផ្នែកសម្ផស្ស Catherine Helbig បានបង្ហើបឲ្យដឹងថា ដើម្បីជាប់ក្លិនបានយូរ ទឹកអប់គួរបាញ់ទៅចំណុចជីពចរ ដូចជា កដៃ គល់ក ផ្នែកខាងក្រោយទងត្រចៀក ដើមទ្រូង ផ្នែកខាងក្រោយជង្គង់ និងកន្លែងផ្នត់ដៃ។

Catherine បានគូសបញ្ជាក់ថា ចំណុចជីពចរ ទាំងនេះ គឺជាទីតាំងដែលសរសៃឈាមនៅជិតស្បែកជាងគេ។ កន្លែងទាំងនេះ ជាទីតាំងរំភាយកម្ដៅនៃរាងកាយ។ ដូច្នេះកាលណាបាញ់ទឹកអប់ទៅលើចំណុចជីពចរទាំងហ្នឹងធ្វើឲ្យ មានការសាយភាពក្លិនក្រអូបចេញមកក្រៅបានយូរ ដោយសារទឹកអប់បានធ្វើប្រតិកម្មជាមួយកម្ដៅរាងកាយដែលភាយចេញមកក្រៅ៕

ប្រភព៖ liveabout ប្រែសម្រួល៖ ហ៊ីម រស្មី