Oppo ចេញទូរសព្ទថ្មីអេក្រង់អេមជាងមុន ក្រោយចេញសេរ៊ី F5 មិនយូរប៉ុន្មាន
- 2018-02-19 10:15:13
- ចំនួនមតិ 0 | ចំនួនចែករំលែក 0
Oppo ចេញទូរសព្ទថ្មីអេក្រង់អេមជាងមុន ក្រោយចេញសេរ៊ី F5 មិនយូរប៉ុន្មាន
ចន្លោះមិនឃើញ
ក្រុមហ៊ុន OPPO បានបញ្ចេញ Smartphone ស៊េរីថ្មី OPPO A83 ដែលមានអេក្រង់អាចឲ្យអ្នកប្រើប្រាស់មើលរូបភាពកាន់តែធំ និងច្បាស់ជាងមុន បន្ទាប់ពីនាំចូល Oppo F5 Youth និង F5 6GB មិនទាន់បានប៉ុន្មានផង។
លោក លាង នរិន្ទ នាយកផ្នែកទីផ្សាររបស់ OPPO ប្រចាំកម្ពុជា បានឲ្យដឹងថា៖ "យើងទទួលបានការគាំទ្រយ៉ាងខ្លាំងពីអតិថិជន ដូច្នេះទើបយើងសម្រេចចិត្តយកទូរសព្ទស៊េរីថ្មីដែលមានគុណភាពខ្ពស់ និងតម្លៃសមរម្យ"។
Smartphone OPPO A83 បានរចនាឡើងជាមួយផ្ទៃអេក្រង់ខាងក្រៅរាងកោង ទំហំ ៥,៧អ៊ីញ ហើយមានកម្រិតភាពច្បាស់ 1440 X 720 ភិចស៊ែល និងមានកាមេរ៉ាមុខ ៨មេហ្គាភិចស៊ែល កាមេរ៉ាក្រោយ ១៣មេហ្គាភិចស៊ែល ដែលមានមុខងារ Ultra-HD ព្រមទាំងមានថ្ម 3180 mAH។
ទូរសព្ទប្រើ CPU Octa-Core 2.5GHz និងមាន RAM 3GB មួយនេះ ក៏មានបច្ចេកវិទ្យាដោះសោដោយសម្គាល់ផ្ទៃមុខផងដែរ ដោយក្រុមហ៊ុនអះអាងថា ប្រើពេលតែ ០,១៨ វិនាទីប៉ុណ្ណោះ ដែលមានពណ៌ទឹកមាស និងពណ៌ខ្មៅ ហើយមានតម្លៃ ២២៩ដុល្លារ៕