ជំនាញពាណិជ្ជកម្មអេឡិចត្រូនិក និងទូរគមនាគមន៍ ៣ ឆ្នាំទៀតដឹងតែត្រូវប៉ាន់

2018-02-20 03:57:43
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នករៀនជំនាញទូរគមនាគមន៍ ហាក់មានការចាប់អារម្មណ៍ច្រើនសម្រាប់ប៉ុន្មានឆ្នាំចុងក្រោយនេះ។ ក្រោយពេលគ្រឹះស្ថានសិក្សា មួយចំនួនបានបើកបង្រៀនជំនាញ ពាណិជ្ជកម្មអេឡិចត្រូនិក និងទូរគមនាគមន៍។ ហើយមានសន្ទះនៃការចាប់អារម្មណ៍ពីសំណាក់សិស្ស និស្សិត ជាច្រើនដែលចង់ចាប់យកជំនាញមួយនេះ។

លោក ឆុន វាសនា អនុប្រធានទទួលបន្ទុកផ្នែក ICT នៅក្រសួងព័ត៌មានបានប្រាប់ Sabay ថានៅពេលខាងមុខអ្នករៀនជំនាញនេះនឹងមានឱកាសការងារជាច្រើននៅក្នុងវិស័យមួយនេះ ៖

ក្រោយពេលបញ្ចប់ការសិក្សា អ្នករៀនជំនាញនេះអាចក្លាយទៅជាអ្នក គ្រប់គ្រងប្រព័ន្ធ System មានជំនាញតបណ្ដាញ Fiber Optics ដែលធ្វើឲ្យបណ្ដាញ Netwok និងប្រព័ន្ធអ៊ីនធឺណិតទាំងអស់ ដំណើរការបានប្រកបដោយមានសុវត្ថិភាពខ្ពស់ ។

លោកបន្តថាក្រោយពេល បញ្ចប់ការសិក្សា នឹងក្លាយជាអ្នកធ្វើការលើសេវាកម្មពាណិជ្ជកម្មអនឡាញដូចជា ការបង្កើតវិបសាយលក់ទំនិញអនឡាញគ្រប់គ្រងក្រុមហ៊ុនលក់ទំនិញអនឡាញ ដែលកម្ពុជាកំពុងវិវត្តន៍ខ្លួន ទៅរកការបង្កើតវិបសាយលក់ទំនិញអនឡាញ ។

ជាក់ស្ដែងវិបសាយលក់ទំនិញអនឡាញ ធំៗក្នុងតំបន់កំពុងជ្រៀតចូលទីផ្សារនៃប្រព័ន្ធឌីជីថលក្រុងស្រុក ។ លើសពីនេះ នឹងយល់ដឹងច្បាស់ពីរបៀបក្នុងការគ្រប់គ្រងអាជីវកម្មអនឡាញ ដើម្បីប្រកួតប្រជែងជាមួយនឹងក្រុមហ៊ុនលក់ទំនិញអនឡាញធំៗក្នុងស្រុកផ្សេងទៀតបានដោយជោគជ័យ។

ជាក់ស្ដែងនៅឆ្នាំ ២០២១ ឬឆ្នាំ ២០២២ គម្រោងការបង្ហោះផ្កាយរណប របស់កម្ពុជានឹងចេញរូបរាងឡើងក្រោយពីជំនួបមិត្តភាព រវាងសម្ដេចនាយករដ្ឋមន្ត្រី ហ៊ុន សែន និងលោក លី ខឺឈាង នាយករដ្ឋមន្ត្រីចិន ក្រោមកិច្ចសហការរវាងក្រុមហ៊ុនរ៉ូយ៉ាល់គ្របដែលមានលោកឧកញ៉ា គិត ម៉េង និងភាគីចិន លោក យឺន លីម៉េង ជាប្រធានសាជីវកម្មអាជីវកម្មមហាកំពែងចិន។

នេះគឺជាឱកាសមួយដែលកម្ពុជាត្រូវតែពង្រីកចំណេះដឹងផ្នែកនេះដើម្បីត្រៀមខ្លួនចាប់យកការងារនេះដែលទទួលបានមុខតំណែងធំ និងប្រាក់ខែខ្ពស់។

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទបន្ត៖

អត្ថបទ៖ ម៉េងងី