រាជធានីភ្នំពេញ, ក្រុមហ៊ុន ខេមប្រ៊ូវ (Cambrew Ltd) ជាបុត្រសម្ព័ន្ធមួយរបស់ Carlsberg Group និងមានរោងចក្រផលិតស្រាបៀរដំបូងគេនៅកម្ពុជា បានប្រកាសខ្លួនជាអ្នកឧបត្ថម្ភភេសជ្ជៈក្នុងព្រឹត្តិការណ៍ផ្សារភ្ជាប់ទំនាក់ទំនងវប្បធម៌អ៊ឺរ៉ុបសំខាន់ចំនួនពីរគឺ NordCham Cambodia Crayfish Party នៅថ្ងៃទី ២៣ តុលា ឆ្នាំ ២០២៥ និង French National Day នៅខែ កក្កដា ឆ្នាំ២០២៥ ។

ការឧបត្ថម្ភនេះ ឆ្លើយតាមការប្តេជ្ញាឥតឈប់ឈររបស់ក្រុមហ៊ុន ដែលថាការផលិតផលិតផលដ៏មានគុណភាពសម្រាប់អតិថិជន មិនមែនជាកិច្ចការតែមួយមុខគត់របស់ក្រុមហ៊ុន តែការចូលរួម និងលើកកម្ពស់ទំនាក់ទំនង ផ្សាភ្ជាប់វប្បធម៌ចម្រុះ ការអបអរសមិទ្ធផល និងវឌ្ឍនភាពរួមនៅកម្ពុជា គឺជាឆន្ទៈពិតប្រាកដមួយទៀតនៅពីក្រោយការផលិតផលិតផលរបស់ក្រុមហ៊ុន។

តាមរយៈជាអ្នកឧបត្ថម្ភកម្មវិធីទាំងពីរនេះ ក្រុមហ៊ុន ខេមប្រ៊ូវ (Cambrew Ltd) បាននាំយកស្រាបៀរដ៏ល្បីស្តង់ដារអន្តរជាតិរបស់ខ្លួនចំនួន៥ មុខ គឺ Angkor, Angkor Sky, Black Panther New Moon, Blanc 1664 និង Carlsberg ទៅក្នុងព្រឹត្តិការណ៍ដ៏អស្ចារ្យទាំងពីរនេះ ដើម្បីញាំងបរិយាកាសនៃការជួបជុំ ការសន្ទនា ផ្លាស់ប្តូរវប្បធម៌ និងការផ្សាភ្ជាប់ទំនាក់ទំនងក្នុងបណ្តាញធុរកិច្ច និងសង្គមកាន់តែរីករាយ ស្និទ្ធស្នាល ប្រកបដោយភាពវិជ្ជមាន។

លោក យឹម លីត្រា ប្រធានផ្នែកស្រាបៀរ នៅក្រុមហ៊ុន Cambrew បានមានប្រសាសន៍ថា៖ “ក្រុមហ៊ុន Cambrew មានកិត្តិយសជាខ្លាំងក្នុងការអបអរសាទរព្រឹត្តិការណ៍ដ៏អស្ចារ្យទាំងពីរនេះ។ យើងពិតជាមានមោទនភាពក្នុងការជាអ្នកឧបត្ថម្ភ និងរួមចំណែកបង្កើតបរិយាកាសសប្បាយរីករាយ នៃមិត្តភាព ការទំនាក់ទំនង និងភាពជោគជ័យរួម។ ផលិតផលស្រាបៀររបស់ Cambrew មានគុណភាពខ្ពស់តាមលក្ខណស្តង់ដារអន្តរជាតិ ដែលបានទទួលស្គាល់យ៉ាងល្អនៅក្នុងព្រឹត្តិការណ៍ទាំងពីរនេះ។” ហើយក៏សូមអរគុណដល់អ្នកដែលបានចូលរួមទាំងអស់ដែលស្រឡាញ់ ជឿទុកចិត្តនិងបានបញ្ជាក់លើផលិតផលស្រាបៀររបស់យើង! ការគាំទ្ររបស់អ្នកគឺជាកម្លាំងដ៏សំខាន់ដែលជួយឲ្យយើងបន្តផ្តល់នូវរសជាតិឆ្ងាញ់ និងគុណភាពល្អបំផុត។

French National Day (Bastille Day) ត្រូវបានប្រារព្ធធ្វើឡើងជារៀងរាល់ថ្ងៃទី១៤ ខែកក្កដា ដែលរំលឹកដល់ការផ្លាស់ប្តូរពីរបបរាជានិយមមកកាន់របបប្រជាធិបតេយ្យនៅឆ្នាំ ១៧៨៩ ដែលជាការចាប់ផ្តើមនៃបដិវត្តបារាំងដ៏ធំមួយហើយព្រឹត្តិការណ៍ប្រវត្តិសាស្ត្រនេះបានក្លាយជានិមិត្តរូបនៃ សេរីភាព សមភាព និងភាពជាសហជីព។ ពិធីដែលរៀបចំដោយ ស្ថានទូតបារាំងនៅកម្ពុជាមួយនេះ បានបង្ហាញវប្បធម៌ ម្ភូបអាហារ និងតន្ត្រីបារាំង ហើយមានការអញ្ជើញចូលរួមពីក្រុមអ្នកការទូត ថ្នាក់ដឹកនាំ អ្នកធុរកិច្ច និងភ្ញៀវកិត្តិយសប្រមាណជាង ៨០០ នាក់។

ចំណែកឯ NordCham Crayfish Party ត្រូវបានរៀបចំជារៀងរាល់ឆ្នាំដោយសភាពាណិជ្ជកម្មន័រឌិកនៅកម្ពុជា (NordCham Cambodia) ដែលជាប្រពៃណីក្នុងការបើករដូវកាលនេសាទ Crayfish និងជាការសម្គាល់ពេលវេលាបញ្ចប់រដូវក្តៅ។ ក្នុងការប្រារព្ធពិធីអបអរសាទរប្រពៃណី Nordic នេះគឺរៀបចំអាហារពិសេស Crayfish ដើម្បីជួបជុំវប្បធម៌និងសង្គមនៃប៉ែកអឺរ៉ុបខាងជើងដូចជា ប្រទេសដាណឺម៉ាក ស៊ុយអ៊ែត និងហ្វាំងឡង់ ដែលបានប្រមូលផ្តុំសមាជិកនៃសហគមន៍ធុរកិច្ច Nordic និងកម្ពុជា សម្រាប់ការបង្កើតបញ្តាញទំនាក់ទំនងអាជីវកម្មរវាងសហគមន៍អន្តរជាតិ និងកម្ពុជា ដែលប្រព្រឹត្តនៅសណ្ឋាគារ Raffles Hotel Le Royal ។ ដើម្បីធ្វើឲ្យរសជាតិម្ហូប Nordic កាន់តែពិសេសគឺញាំជាមួយនឹងស្រាបៀរ Carlsberg ប្រទេសដាណឺម៉ាក ដែលមានវត្តមានលើទីផ្សារពិភពលោកជាង១៧០ឆ្នាំ ជាមួយការផលិតដ៏ស្ទាត់ជំនាញដោយប្រើប្រាស់ប្រភេទពូជផ្កាហប់ដែលមានគុណភាពខ្ពស់ ដើម្បីធានារសជាតិឈ្ងុយឆ្ងាញ់ ស្រស់ ស្រាសស្រទន់ និងក្លិនឈ្ងុយប្លែកពីគេ។

អ្នកចូលរួមក្នុងពិធីទាំងពីរ ក៏បានក្រេបរសជាតិស្រាបៀរ Angkor Sky ស្រាលស្រទន់ ងាយស្រួលពិសាជាមួយកម្រិតអាល់កុលទាប 4% និងស្រាបៀរទឹកខ្មៅ Black Panther New Moon ក្លិនឈ្ងុយ មានគ្រឿងផ្សំបញ្ចូលគ្នាមានទាំង កាហ្វេ សូកូឡា ស្រូវសាឡីលីង ដែលធ្វើឲ្យឱជារសស្រាបៀរមួយនេះ កាន់តែមុតឆ្ងាញ់ជាប់ចិត្ត និងជាស្រាបៀរទឹកខ្មៅមានគុណភាពល្អប្រណិត មានកម្រិតអាល់កុលទាប 5% ងាយស្រួលពិសាសម្រាប់អ្នកចូលចិត្តរសជាតិស្រាល បើប្រៀបជាមួយស្រាបៀរស្តោតដទៃ។

សូមបញ្ជាក់បន្ថែមថា រាល់ស្រាបៀរទាំងអស់ដែលផលិតនៅក្រុមហ៊ុន ខេមប្រ៊ូវ (Cambrew Ltd) គ្រឿងផ្សំត្រូវបានសម្រិតសម្រាងយ៉ាងយកចិត្តទុកដាក់នាំយកពីបរទេស ហើយការផលិតទាំងមូលស្ថិតក្រោមការត្រួតពិនិត្យយ៉ាងម៉ត់ចត់របស់ក្រុមហ៊ុន Carlsberg Group ប្រទេសដាណឺម៉ាក។

ក្រុមហ៊ុនក៏បានបង្ហាញការប្តេជ្ញាក្នុងការបន្តគាំទ្រ និងឧបត្ថម្ភក្នុងកម្មវិធីជាបន្តបន្ទាប់នានា ដែលបង្កើតបរិយាកាសជួបជុំដ៏រីករាយ ការសន្ទនាដ៏មានអត្ថន័យ ទំនាក់ទំនងកាន់តែល្អ និងអបអរសមិទ្ធផលប្រកបដោយភាពវិជ្ជមាន។ ហើយក្រុមហ៊ុនក៏មិនភ្លេចរំលឹកផងដែរអំពីការអបអរដោយការទទួលខុសត្រូវ «ពិសាដោយការទទួលខុសត្រូវ ពិសាគ្រឿងស្រវឹងសូមកុំបើកបរ!»។