កាកា ប្រកួតជាង ៤០០ដង (គិតទាំងមិនអាជីព) មិនដែលស្គាល់ពាក្យថាចាញ់សន្លប់

2018-02-20 02:26:24
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជើងខ្លាំងមកពីបន្ទាយមានជ័យ សុខ ធី ប្រកួតដល់ទៅជាង៤០០ដង អស្ចារ្យមែនទែនមិនដែលស្គាល់ពាក្យថា ចាញ់ដោយសន្លប់ឡើយ ជាស្ថិតិល្អមួយដែលកម្រមានកីឡាករដទៃធ្វើដូចបាន។

កីឡាករ សុខ ធី

លោក សុខ ញ៉ិល ដែលជាឪពុករបស់ សុខ ធី បង្ហើបឲ្យដឹងថា កូនប្រុសរបស់លោកម្នាក់នេះមិនដែលស្គាល់ពាក្យថាចាញ់ដោយសន្លប់នោះឡើយ គឺមានតែម្ដងគត់ដែលត្រូវអាជ្ញាកណ្ដាលរាប់ ប៉ុន្តែមិនសន្លប់នោះទេ។ ភាពខ្លាំងខ្លារបស់ សុខ ធី និងស្ថិតិប្រកួតល្អ រឹងមាំដូចរហូតដល់អ្នកដែលនៅឯប្រទេសថៃដាក់រហស្សនាមឲ្យ «មនុស្សឈើ» វ៉ៃមិនឈឺ វ៉ៃមិនស្រុត។

កីឡាករ សុខ ធី (ក្រហម)

ទាក់ទិនទៅនិងការប្រកួតមិនដែលចាញ់ដោយសន្លប់ដូចនេះ សុខ ធី បានឲ្យដឹងថា ធ្លាប់ម្ដងគេវ៉ៃរាប់នៅទឹកទី១ ដោយត្រូវដៃគូម៉ាត់ត្រូវថ្គាម ប៉ុន្តែមិនសន្លប់ឡើយ ហើយបន្តការប្រកួតរហូតដល់ចប់ ប៉ុន្តែឲ្យសន្លប់តែម្ដងមិនដែលឡើយ។ រឿងប្រកួតមិនដែលសន្លប់នេះ អ្នកប្រដាល់វ័យក្មេងរូបនេះបន្ថែមថា ចំពោះការហ្វឹកហាត់គឺដូចកីឡាករដទៃអញ្ចឹង ហាត់ឲ្យបានដិតដល់ ជាប់លាប់ល្អ និងមិនមើលងាយដៃគូប្រកួតឡើយ បើទោះគឺខ្សោយ ឬខ្លាំងក៏ដោយមិនត្រូវប្រមាថនោះទេ។

កីឡាករ សុខ ធី

សុខ ធី ជាអ្នកកូនសិស្សលោកគ្រូ សាន់ សាយយ៉ាន់ មកពីខេត្តបន្ទាយមានជ័យ តាំងពីមកប្រកួតនៅកម្ពុជាមិនដែលចាញ់ឡើយ មិនថាប៉ះខ្មែរគ្នាឯង ឬបរទេសនោះទេ។ ឥលូវកំពុងប្រកួតខ្សែក្រវាត់គូបូតា ទម្ងន់ ៥៧គីឡូក្រាម មាន៩ពិន្ទុក្នុងដៃ ៣ប្រកួតឈ្នះទាំង៣៕

អត្ថបទ៖ នួន ស៊ីណា