តារាថៃ ៥គូ ស្រឡាញ់គ្នាស្ទើរលេប ទោះគ្រូទាយថាមិនមែនគូ ក៏មិនខ្វល់

2018-02-20 09:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សម្នាក់កើតមករមែងមានគូរៀងៗខ្លួន ទោះបីពេលខ្លះមានគ្រូទាយថា ពួកគេមិនអាចនៅជាមួយគ្នាបានក៏ពិតមែន ប៉ុន្តែស្នេហ៍ពិត ទោះមានអ្វីមកបំបែកក៏មិនអាចបែកគ្នាបានដែរ។

ជាក់ស្ដែងដូចតារាប្រុសស្រី ៥គូខាងក្រោម ត្រូវគ្រូទាយ ទាយថាពួកគេមិនមែនជាគូនឹងគ្នា ហើយក៏មិនអាចនៅជាមួយគ្នាបានដែរ។ ផ្ទុយពីការទស្សន៍ទាយ គូស្នេហ៍តារាទាំងនោះកាន់តែល្អូកល្អិននឹងគ្នា ហើយមានគូខ្លះឈានដល់ថ្ងៃរៀបការ និងមានកូនរស់នៅជាមួយគ្នាយ៉ាងសុខដុមទៀតផង។

១. Phoori Hiranyapruk និង Ann Alicha

គ្រូទាយបាននិយាយថា ពួកគេមិនមែនជាគូពីអតីតនឹងគ្នាទេ តាំងពីពួកគេមិនទាន់រៀបការម្ល៉េះ។ ប៉ុន្តែពួកគេក៏ខ្វល់នឹងការទស្សន៍ទាយនោះឡើយ បែរជារឹតតែស្រឡាញ់គ្នា ហើយរួមរស់ជាមួយគ្នាយ៉ាងមានក្ដីសុខអស់រយៈពេលជាង ១០ឆ្នាំមកហើយ។

២. Brook Danupohn និង Kob Suvanant

មានគ្រូទាយម្នាក់ បានទាយថា ពួកគេអាចប្រេះឆានឹងគ្នា ក្រោយទាក់ទងអស់រយៈពេល ៣ឆ្នាំ។ ផ្ទុយពីអ្វីដែលគ្រូទាយម្នាក់នោះបានទាយទាំងស្រុង ពោលគឺពេលនេះពួកគេនៅជុំគ្នាអស់រយៈពេលជាង ១១ឆ្នាំហើយ ថែមទាំងមានកូន ២ទៀត។

៣. Dj Man និង Baitoey RSIAM

មានហោរាម្នាក់ ទាយថាគូស្នេហ៍ទាំង២ មិនមែនជាគូព្រេងនឹងគ្នាទេ ព្រោះគូពិតរបស់ Baitoey គឺជាអ្នកជំនួញ ប៉ុន្តែនាងមិនខ្វល់ ព្រោះតាំងពីទាក់ទងគ្នាមកស្នេហាពួកគេហាក់គ្មានអ្វីល្អក់កករផង។

៤. Nadech Kugimiya និង Yaya Urassaya

មិនខុសពីគូស្នេហ៍មុនៗទេ សម្រាប់ Nadech និង Yaya ក៏ត្រូវគ្រូទាយប្រាប់ថាមិនមែនជាគូពិតដែរ ប៉ុន្តែសាមីខ្លួនខាងប្រុសមិនជឿសូម្បីបន្តិច។ លោកនិយាយថា អ្នកដែលលោកជឿ មិនមែនជាគ្រូទាយ ប៉ុន្តែជាម្ដាយរបស់លោកទៅវិញទេ។

៥. Alek Teeradetch និង Toey Jarinpohn

កាលពីចុងឆ្នាំ ២០១៧ ព័ត៌មានទាក់ទងស្នេហារបស់ Alek និង Toey បានកក្រើកពេញសិល្បៈ ហើយភ្លាមៗនោះដែរក៏ស្រាប់តែមានគ្រូទាយម្នាក់ទាយថា ពួកគេមិនមែនជាគូស្នេហ៍ពិតពីបុព្វេទេ។ ទាក់ទងនឹងបញ្ហានេះ Alek និយាយថា លោកជឿតែគ្រូទាយ ដែលនិយាយពីរឿងល្អៗប៉ុណ្ណោះ៕

ចុចអាន៖

ប្រភព៖ thaistarnews ប្រែសម្រួល៖ យី សុធារី