Samsung ដាក់ឲ្យធ្ងន់ ចេញ SSD ថ្មី អាចផ្ទុកទិន្នន័យបានដល់ទៅ ៣០TB ក្លាយជា SSD ធំជាងគេលើលោក
- 2018-02-21 03:01:17
- ចំនួនមតិ 0 | ចំនួនចែករំលែក 0
Samsung ដាក់ឲ្យធ្ងន់ ចេញ SSD ថ្មី អាចផ្ទុកទិន្នន័យបានដល់ទៅ ៣០TB ក្លាយជា SSD ធំជាងគេលើលោក
ចន្លោះមិនឃើញ
ក្រុមហ៊ុន Samsung ចេញ SSD ថ្មីម៉ូដែល PM1643 មានសមត្ថភាពផ្ទុកទិន្នន័យបានដល់ទៅ ៣០.៧២TB។ Drive ថ្មីទំហំតួ ២.៥អ៊ីងនេះ បច្ចុប្បន្នជា SSD អាចផ្ទុកទិន្នន័យធំជាងគេលើលោក។
PM1643 មានសមត្ថភាពអាចផ្ទុកវីដេអូកម្រិត HD បានដល់ទៅ ៥ ៧០០។ សមត្ថភាពដ៏ធំនេះ មានពីរដងបើប្រៀបនឹង SSD ១៦TB ពីមុនរបស់ Samsung ប្រកាសកាលខែមីនា ឆ្នាំ ២០១៦។
SSD នេះប្រើរន្ធភ្ជាប់ថ្មី (Serial Attached SCSI ឬ SAS) ដែលអាចផ្ដល់ល្បឿន Read និង Write ដល់ទៅ ២ ១០០MB និង ១ ៧០០MB ក្នុងមួយវិនាទី ។ នេះលឿនជាងបីដងនៃ SATA SSD លើទីផ្សារប្រើលើ Desktop ឬ Laptop មួយចំនួន រួមទាំង SSD 850 EVO របស់ក្រុមហ៊ុន Samsung ផ្ទាល់ផងដែរ។
SSD ម៉ូដែល PM1643 មិនទាន់ដឹងពេលណាមានវត្តមានលើទីផ្សារនៅឡើយទេ។ តែ Samsung លើកឡើងថា SAS SSD ក៏អាចមានជំនាន់ ១៦.៣៦TB, ៧.៦៨TB, ៣.៨៤TB, ១.៩២TB, ៩៦០GB និង ៨០០GB ក្នុងឆ្នាំនេះផងដែរ ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
