៧ ចំណុចសំខាន់កើតឡើងក្នុងជំនួប Chelsea & Barca គ្រប់គ្នាមិនដឹង
- 2018-02-21 02:56:40
- ចំនួនមតិ 0 | ចំនួនចែករំលែក 0
៧ ចំណុចសំខាន់កើតឡើងក្នុងជំនួប Chelsea & Barca គ្រប់គ្នាមិនដឹង
ចន្លោះមិនឃើញ
ជាជំនួបដ៏ជក់ចិត្តកាលពីយប់មិញរវាង Chelsea និង Barcelona ក្នុងវគ្គ១៦ក្រុមចុងក្រោយ UCLដោយបញ្ចប់លទ្ធផល ១-១ ក្នុងកីឡដ្ឋាន Stamford Bridge នាទីក្រុងឡុងដ៏។ អរគុណដល់គ្រាប់បាល់របស់ Willian និង Messi ដែលបានជួយក្រុមខ្លួនទទួលបានលទ្ធផលល្អគួរសមក្នុងជំនួបដំបូង។ យ៉ាងណា ក្នុងការប្រកួតនេះមានរឿងពិសេសៗមួយចំនួនកើតឡើង ដែលអ្នកទស្សនាមួយចំនួនមិនចាប់អារម្មណ៍អស់។ តោះ! មើលទាំងអស់គ្នាមានអ្វីខ្លះ?
១. តោខៀវបន្តកំណត់ត្រាមិនចាញ់ ពេលជួប Barca
៨ប្រកួតចុងក្រោយ បូករួមទាំងការប្រកួតយប់មិញរាល់ប៉ះក្រុមអ្នកមានបុណ្យនៅ Champions League ក្លឹប Chelsea មិនទាន់ស្គាល់ពាក្យបរាជ័យឡើយ គឺ ឈ្នះ២ ស្មើ៦។
២. ជោគជ័យក្រៅដីរបស់ Barca
គ្រប់ពេលប្រកួតក្រៅដីរបស់ Barcelona ក្នុង Champions League រដូវកាលនេះ ពួកគេមិនដែលចាញ់ម្ដងណាឡើយ។
៣. Messi បំបែកកំណត់ត្រាខ្លួនឯងរកគ្រាប់បាល់ជាមួយ Chelsea
បន្ទាប់ពីជួប Chelsea ជាលើកទី៩ក្នុងអាជីព ទីបំផុតកីឡាករអាហ្សង់ទីន Messi រកឃើញគ្រាប់ដំបូងទល់នឹងក្រុមអង់គ្លេសមួយនេះហើយ ក្រោយចំណាយពេលលេងជាង៧០០នាទី។
៤. បញ្ហាគ្រាប់បាល់របស់ Suarez
គិតទល់ពេលនេះអស់រយៈពេល៨៨១នាទីហើយ ក្នុង Champions League ខ្សែប្រយុទ្ធ Luis Suarez មិនទាន់រកបានមួយគ្រាប់ទេ ខណៈរដូវកាលនេះរកគ្មានបានមួយគ្រាប់។ គ្រាប់បាល់ចុងក្រោយរបស់កីឡាករអ៊ុយរុយហ្គាយនេះធ្វើបាននៅ UCL គឺពេលប៉ះ PSG ខែ មីនា ឆ្នាំ ២០១៧។
៥. ស្បែកជើង Messi
ចាប់អារម្មណ៍ទេ កាលពីយប់មិញ Messi ពាក់ស្បែកជើងមួយគូដែលមានឈ្មោះប្រពន្ធ Antonella នៅខាងឆ្វេង និងឈ្មោះកូនប្រុសទាំងពីរនៅខាងស្ដាំ។
៦. ជម្រើស១១នាក់ Chelsea យប់មិញគ្មានជនជាតិអង់គ្លេសមួយ
នៅថ្ងៃ Boxing Day ឆ្នាំ១៩៩៩ Chelsea ជាក្រុមដំបូងក្នុងលីគកំពូលអង់គ្លេស ដែលលេងគ្មានកីឡាករអង់គ្លេសចូលរួម។ យប់មិញក៏ដូចគ្នា ជម្រើស១១របស់លោក Conte គ្មានកីឡាករអង់គ្លេសម្នាក់ទេ។
៧. Ancelotti, Beckham និងMartinez
ដោយសារ Cheslea ប៉ះ Barcelona ជាជំនួបដ៏ពិសេស បានទាក់ទាញអ្នកចាត់ការល្បីដែលជាអតីតអ្នកដឹកនាំតោខៀវលោក Carlo Ancelotti អ្នកចាត់ជម្រើសជាតិបែលហ្ស៊ិក Roberto Martinez និងប្រុសស្អាត Beckham មកទស្សនា៕