SHINee រៀបឆាកយ៉ាងពិសេសបំភ្លេចមិនបានសម្រាប់ Jonghyun (វីដេអូ)
- 2018-02-21 05:30:00
- ចំនួនមតិ 0 | ចំនួនចែករំលែក 0
SHINee រៀបឆាកយ៉ាងពិសេសបំភ្លេចមិនបានសម្រាប់ Jonghyun (វីដេអូ)
ចន្លោះមិនឃើញ
ក្រោយតារាចម្រៀង Jonghyun បានទទួលមរណភាពទៅ ពេលនេះក្រុម SHINee វិលមកសាជាថ្មីហើយដោយបានអង្រួនបេះដូងអ្នកគាំទ្រគ្រប់គ្នា ក្នុងព្រឹត្តិការណ៍ប្រគំតន្ត្រីនៅប្រទេសជប៉ុន។
កន្លងទៅថ្មីៗនេះ ក្រុមចម្រៀង SHINee បានសម្ដែងក្នុងការប្រគំតន្ត្រីរបស់ក្រុមនៅក្នុងទីក្រុង Osaka ហើយវាក៏ជាលើកទី១ដែរ ក្រោយ Jonghyun បានទទួលមរណភាពទៅ។ ទោះបីជាបាត់បង់សមាជិកម្នាក់ក្ដី ប៉ុន្តែសម្រាប់ SHINee នៅតែរក្សាកន្លែងរបស់ Jonghyun ជានិច្ច។
តួយ៉ាងអំឡុងពេលប្រគំតន្ត្រី ក្រុមការងារបានរៀបចំមេក្រូ ១ ដាក់ចំកណ្ដាល ដោយមានផ្កាកុលាប១ទង ជាតំណាង Jonghyun។ នេះបញ្ជាក់ថា សម្រាប់ SHINee តារាចម្រៀង Jonghyun នៅតែជាផ្នែក១របស់ក្រុមជារៀងរហូត។
យ៉ាងណាមិញ អំឡុងពេលសម្ដែងនោះដែរ សមាជិកទាំងអស់មាន Onew, Minho, Key និង Taeminបាននិយាយទៅកាន់វិញ្ញានក្ខ័ន្ធ Jonghyun ជាមួយអារម្មណ៍អួលណែន លាយឡំនឹងទឹកភ្នែក ដោយសុទ្ធតែបញ្ជាក់ថា ពួកគេខំប្រឹងសម្ដែងអស់ពីសមត្ថភាពដើម្បីលោក។ ពួកគេមិនដែលភ្លេច Jonghyun ឡើយ ហើយលោកនៅតែជាសមាជិកជាទីស្រឡាញ់របស់ SHINee ជាដរាប៕