១០ រឿងរ៉ាវពីជីវិតពិតៗ ស្ថាបនិកពុម្ពអក្សរអាក្បាលធំ

2018-02-22 03:30:38
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រប់គ្នាអាចស្គាល់លោកនៅ សំណាងហៅអាក្បាលធំ ដោយសារស្នាដៃបង្កើតពុម្ពអក្សរអាក្បាលធំ។ មានរឿងជាច្រើនទៀត ដែលមនុស្សជុំវិញជាច្រើនមិនបានដឹងពីជីវិតក្រោយឆាករបស់លោក។

-សំណាង បានបញ្ចប់ថ្នាក់ទុតិយភូមិ (បាក់ឌុប) តាំងពីឆ្នាំ ២០១០ តែមកទល់ពេលនេះលោកមិនទាន់មានលទ្ធភាពរៀនបន្តនៅមហាវិទ្យាល័យទេ។

-សំណាងកើតនៅទីក្រុងភ្នំពេញ តែនិយាយពីទីលំនៅបច្ចុប្បន្នរស់នៅផ្ទះជួលគេប៉ុណ្ណោះ។

-សំណាងចេះប្រើកុំព្យូទ័រដំបូង កាលរៀននៅថ្នាក់ទី១២។

-មុខវិទ្យាដែលសំណាងចូលចិត្តបំផុតនៅវិទ្យាល័យគឺផ្នែកវិទ្យាសាស្ត្រនិងកុំព្យូទ័រ។

-ឈ្មោះពុម្ពអាក្បាលធំ ការពិតជាឈ្មោះហៅក្រៅដែលឪពុកម្តាយហៅលោកតាំងពីក្មេង។

-ក្នុងចំណោមបងប្អូន ៣ នាក់ (ស្រីពីរនាក់) មានតែសំណាងដែលកំពុងធ្វើការផ្នែករចនាពុម្ពអក្សរ។

-សំណាង ចេះបង្កើតពុម្ពអក្សរអាក្បាលធំតាំងពីឆ្នាំ ២០១០ ដោយមិនឆ្លងកាត់សាលាបណ្ដុះបណ្ដាល រហូតដល់ពេលនេះបង្កើតបានជាង ៤៧ ពុម្ពអក្សរ។

-ការងារដំបូងក្នុងជីវិតរបស់សំណាង គឺជាអ្នកឌីហ្សាញនៅក្រុមហ៊ុនក្រាហ្វិកមួយ មុនធ្វើការជាអ្នករចនាពុម្ពអក្សរខ្មែរ។

-ក្រៅពីការងាររចនាពុម្ពអក្សរ សំណាងធ្លាប់ផ្លាស់ប្ដូរអាជីពការងារជាបន្តបន្ទាប់ ជាអ្នកក្រាហ្វិកឌីហ្សាញ អ្នកលក់ខោអាវចល័ត អ្នកលក់កាហ្វេ និងបច្ចុប្បន្នអ្នករត់កង់បី។

-គោលដៅថ្ងៃអនាគត សំណាងចង់បង្កើតឲ្យបាន ១០០ ពុម្ពអក្សរតាមលទ្ធភាពអាចទៅរួច។