បើកវគ្គបណ្ដុះបណ្ដាលគ្រូវិស្វករ IT បង្រៀនផ្ទាល់ដោយអ្នកជំនាញជនជាតិជប៉ុន

2018-02-21 02:13:02
ចំនួនមតិ 0 | ចំនួនចែករំលែក 0

ចន្លោះមិនឃើញ

វិទ្យាស្ថានជាតិប្រៃសណីយ៍ទូរគមនាគមន៍ បច្ចេកវិទ្យាគមនាគមន៍ និងព័ត៌មាន (NIPTICT)បានរួមសហការជាមួយមូលនិធិ Cambodia International Education Support Foundation ហៅកាត់ (CIESF) បានរៀបចំវគ្គបណ្ដុះបណ្ដាលគ្រូបង្គោលវិស្វករផ្នែកព័ត៌មានវិទ្យា ដោយមិនគិតថ្លៃ ដោយមានការគាំទ្រពីក្រសួងប្រៃសណីយ៍ និងទូរគមនាគមន៍ (MPTC) និងទីភ្នាក់ងារសហប្រតិបត្តិការអន្តរជាតិជប៉ុន (JICA) ។

វគ្គបណ្ដុះបណ្ដាលនេះមានឈ្មោះថា Fundamental IT Engineer Examination (FE) ដែលជាកម្មវិធីកម្រិត ២ នៅក្នុងកម្មវិធីត្រៀមប្រលងសញ្ញាប័ត្រវិស្វករ ដែលមានឈ្មោះថា Information Technology Engineers Examination ( ITEE ) គឺជាកម្មវិធីប្រឡងយកសញ្ញាប័ត្រវិស្វករផ្នែកព័ត៌មានវិទ្យា ថ្នាក់ជាតិដ៏ធំបំផុតមួយក្នុងប្រទេសជប៉ុន ដែលគ្រប់គ្រងដោយទីភ្នាក់ងារលើកកម្ពស់បច្ចេកវិទ្យាព័ត៌មាន(IPA- Information-Technology Promotion Agency) ។

កម្មវិធីនេះធ្វើឡើងក្នុងគោលបំណង ដើម្បីអភិវឌ្ឍវិស្វករផ្នែកព័ត៌មានវិទ្យានៅកម្ពុជាដែលត្រូវបានទទួលស្គាល់ជាផ្លូវការដោយរដ្ឋាភិបាលជប៉ុន។ ជាពិសេសក្រុមហ៊ុនឯកជនរបស់ជប៉ុនដែលកំពុងវិនិយោគនៅព្រះរាជាណាចក្រកម្ពុជាកំពុងស្វែងរកបុគ្គលិកដែលទទួលមានវិញ្ញាបនបត្រនេះផងដែរ។

អ្នកចូលរួមវគ្គបណ្ដុះបណ្ដាលនេះមិនត្រឹមតែមានឱកាសប្រលងសញ្ញាប័ត្រវិស្វករ ITEE ប៉ុណ្ណោះទេ ថែមទាំងអាចក្លាយជាគ្រូបង្គោលវិស្វករផ្នែកព័ត៌មានវិទ្យា ដែរទទួលបានបទពិសោធន៍គ្រប់គ្រាន់មានឆន្ទៈខ្ពស់ ដើម្បីចែករំលែកចំណេះដឹងដល់ មិត្តរួមការងារនៅក្នុងក្រសួង ឬស្ថាប័នរបស់ខ្លួន។ វគ្គបណ្ដុះបណ្ដាលនេះបង្រៀនដោយសាស្ត្រាចារ្យជំនាញជនជាតិជប៉ុន។

ព័ត៌មានលំអិតដើម្បីធ្វើការចុះឈ្មោះ ចុចទីនេះ

ទំនាក់ទំនងទូរសព្ទលេខ៖ ០៩៨ ៧៩៩ ២៦៧ / ០១០ ៧៨៨ ៨១៦

ផុតកំណត់ទទួលពាក្យ៖ ថ្ងៃ ១៥ មិនា ២០១៨

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានបន្ត៖

អត្ថបទ៖ ម៉េងងី