មកហើយ! រឿងភាគល្បី១ ចំណោម៨ មាន Toey សម្តែង បញ្ចាំងសប្ដាហ៍ក្រោយ
- 2018-02-22 10:55:27
- ចំនួនមតិ 0 | ចំនួនចែករំលែក 0
មកហើយ! រឿងភាគល្បី១ ចំណោម៨ មាន Toey សម្តែង បញ្ចាំងសប្ដាហ៍ក្រោយ
ចន្លោះមិនឃើញ
អ្នកដែលនិយមតាមដានរឿងភាគថៃ ច្បាស់ជាធ្លាប់ឮពីភាពល្បីល្បាញនៃរឿងមនោសញ្ចេតនាបែបកំប្លែង "កាមទេពស្នេហ៍" ដែលជារឿង ១ ក្នុងចំណោម ៨ ទទួលបានការគាំទ្រខ្លាំងបំផុតនៅថៃ។ រឿងនេះសម្ដែងដោយតារាល្បីៗប្រចាំទូរទស្សន៍ប៉ុស្តិ៍លេខ៣ ថៃ គឺលោក Chatborirak Pakorn (Tim) ចាប់ដៃគូជាមួយតួឯកស្រី Toeyjarinporn (Hunsa) ដែលកើតក្នុងគ្រួសារអ្នកក្រ តែមានចរិតមិនធម្មតា ជាហេតុធ្វើឲ្យនាងមិនមានសង្សារ។
ភាគ១ នៃរឿង "កាមទេពស្នេហ៍" នឹងចាប់បញ្ចាំងនៅថ្ងៃទី២៦ កុម្ភៈ ម៉ោង ៩-១០ យប់ បន្ទាប់ពីរឿង "ហង្សបាក់ស្លាប" រៀងរាល់ថ្ងៃចន្ទ-ពុធ លើប៉ុស្តិ៍ PNN។
ដោយសារតែទៅចូលរួមកម្មវិធីរបស់ក្រុមហ៊ុនតួឯកស្រីខាងលើធ្វើការ ធ្វើឲ្យតួឯកប្រុសលោក Boypakorn សម្ដែងជា Tim ដែលជាអ្នកមានស្ដុកស្ដម្ភ និងល្បីឈ្មោះ បានជួបបញ្ហាឈានដល់ការប្ដឹងផ្ដល់ ហើយនេះក៏ជាចំណុចផ្ដើមស្នេហ៍នៃតួទាំង ២ ផងដែរ។
រៀងឆ្ងល់ហើយមែនអត់? បើឆ្ងល់ កុំភ្លេចចាំថ្ងៃទី២៦ តាមដានលើប៉ុស្តិ៍ PNN!