តារា​ម្ចាស់​បទ”Perfect” ផ្ដើម​ឲ្យ​តម្រុយ​​ពិធី​អាពាហ៍ពិពាហ៍ ដោយ​គេ​កត់​សំគាល់​ថា ​តារា​រូប​នេះ​​តែង​ពាក់​ចិញ្ចៀន​នៅ​ម្រាម​ដៃ​ខាង​ឆ្វេង​ទៅ​ស្ទើរ​គ្រប់​កម្មវិធី។

ជាក់ស្ដែង Ed Sheeran ត្រូវ​បាន​ថត​ជាប់​ដៃ​ពាក់​ចិញ្ចៀន​នៅ​ក្នុង​ការ​សម្ដែង​របស់​លោក​នៅ​ទី​ក្រុង​ឡុងដុង ហើយ​​ថ្មីៗ​នេះ​នៅ​ក្នុង​កម្មវិធី​ប្រគល់​ពាន​រង្វាន់​ BRITs ​ឆ្នាំ​២០១៨ ក៏​គេ​ឃើញ​តារា​រូប​នេះ​ពាក់​ចិញ្ចៀន​ដដែល​នោះ​ទៀត។

ទាក់ទង​នឹង​មន្ទិល​សង្ស័យ​នេះ តារា​ចម្រៀង Ed Sheeranបាន​បក​ស្រាយ​ប្រាប់​សារព័ត៌មាន Sky Newsថា "វា​ជា​ចិញ្ចៀន​ភ្ជាប់​ពាក្យ​របស់​ខ្ញុំ"។ រឹត​តែ​ច្បាស់​ជាង​នេះ​ទៅ​ទៀត ក្នុង​កម្មវិធី BRITsនេះ គេ​ឃើញ​កីឡា​ការិនី​វាយ​កូន​ហ្គោល​លើ​ទឹក​កក Cheery Seaborn នៅ​ជាប់​ជាមួយ​ម្ចាស់​បទ”Perfect” ហើយ​អ្នក​ទាំង​ពីរ​បាន​ថើប​អបអរ​​ មុន​ពេល Ed Sheeran ឡើង​លើ​ឆាក​​ទទួល​ពាន​រង្វាន់​ Global Success Award។

ម្ចាស់​បទ "Shap of You” Ed Sheeran បាន​ប្រកាស​ថា លោក​ភ្ជាប់​ពាក្យ​ជាមួយ​កីឡា​ការិនី Cheery Seabornនៅ​លើ Instagramកាល​ពី​ខែ​មករា​នេះ។ ហើយ​តារា​ចម្រៀង​រូប​នេះ​ក៏​ធ្លាប់​ប្រាប់​ទៅ​អ្នក​សារព័ត៌មាន​ថា Cheery Seaborn​ គឺ​ជា​កម្លាំង​​ជំរុញ​ឲ្យ​បទ​ចម្រៀង "​Perfect” របស់​លោក​បាន​ល្បី​ខ្លាំង​ដល់​កំពូល​ផង​ដែរ៕

ប្រភព៖ Eonline   ប្រែ​សម្រួល៖ សុខហ៊ុយ