ណែនាំឲ្យស្គាល់!កាមេរ៉ាថតមុខ ឃើញក្រោយរបស់លេងថ្មីសម្រាប់ Vlogger

2018-02-23 04:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

GoPro មានការទទួលស្គាល់ច្រើន តាមរយៈកាមេរ៉ា Hero ដោយផលិតវីដេអូបានល្អ ងាយស្រួលថត ជាកាមេរ៉ាប្រភេទសកម្មភាព (Action)។ Fusion ជាកាមេរ៉ាជំនាន់ថ្មីរបស់ GoPro ដែលអាចថតរូបលក្ខណៈ VR ៣៦០ ដឺក្រេ។ ដូច្នេះ អ្នកអាចចាប់យកវីដេអូ បានគ្រប់ជ្រុងជុំវិញអ្នក។

ការរចនា

GoPro Fusion មានទំហំធំជាង កាមេរ៉ា Hero ដោយមាន Wide-angle Lens ពីរគ្រាប់សងខាង ដើម្បីចាប់យកទិដ្ឋភាព ៣៦០ ដឺក្រេ។

កាមេរ៉ានេះមានរាងជ្រុងធំ តែមិនក្រាស់ពេកនោះទេ ហើយតួកាមេរ៉ាមានលក្ខណៈស្រដៀងទៅនឹង GoPro Hero 6 Black។ តែ មុខងារការពារជម្រាបទឹកបានតែ ៥ម៉ែត្រប៉ុណ្ណោះ បើប្រៀបនឹង Hero 6 Black បានដល់ទៅ ១០ម៉ែត្រ (គ្មានប្រអប់)។

Lens ពីរគ្រាប់របស់ Fusion មិនតម្រៀបស្មើគ្នានោះទេ បើមើលពីចំហៀង។ នេះមានពាក់ព័ន្ធនឹងការប្រើ Sensor ពីរក្នុងការផលិតជារូបភាពតែមួយ។ នេះក៏ជាកត្តាសំខាន់ដែលជួយឲ្យ GoPro ផលិតវីដេអូបានល្អ បើប្រៀបនឹងកាមេរ៉ា VR មួយចំនួនទៀត។

កាមេរ៉ានេះមានអេក្រង់ LCD តូចសម្រាប់មើលពី Settings របស់កាមេរ៉ា, ប៊ូតុងថតទំហំធំ ដែលអាចបើកប្រព័ន្ធកាមេរ៉ា និងចាប់យករូបភាព ព្រមទាំងមានប៊ូតុង Power ឬ Settings នៅគែម។

អ្នកក៏អាចប្រើសំឡេងបញ្ជាក្នុងការថតរូបផងដែរ ដោយនិយាយ GoPro start recording ។ មុខងារបញ្ញាដោយសំឡេងនេះ ដំណើរការល្អជាង Hero 6 Black។

Fusion អាចផលិតវីដេអូកម្រិត ៥.២K, សាកថ្មតាម USB-C, រន្ធប្ដូរថ្ម និង មានរន្ធ MicroSD ពីរ។ កាមេរ៉ានេះត្រូវការ MicroSD Cards ពីរដើម្បីចាប់យករូបពី Sensor នីមួយៗ។ កាមេរ៉ានេះបានបំពាក់នូវ Sensor ជាច្រើន ផ្ដល់ភាពងាយស្រួល និងជួយដល់គុណភាពរូបភាព ដូចជា GPS, Accelerometer, Gyroscope និង Geomagnetic។

កម្មវិធី

GoPro Fusion អាចប្រើ Bluetooth និង Wi-Fi ដើម្បីភ្ជាប់ទៅកាន់កម្មវិធីរបស់ GoPro លើ iOS និង Android បាន។

ការគ្រប់គ្រងលើ Fusion មានភាពខុសប្លែកបន្តិច ក្រោយភ្ជាប់ អ្នកនឹងអាចឃើញទិដ្ឋភាពពី Sensor ទាំងពីររបស់កាមេរ៉ា ហើយអ្នកអាចទាញមើលជុំវិញបាន។

កាន់តែចាប់អារម្មណ៍មួយទៀតលើមុខងារ OverCapture mode។ ពេលអ្នកទាញយកវីដេអូ ៣៦០ ដឺក្រេ ដែលបានថតរួច អ្នកអាចចុចលើប៊ូតុង OverCapture ដោយកម្មវិធីនឹងចូលទៅកាន់ Re-recording mode។ អ្នកអាចប្រើ Gyroscope ក្នុងទូរសព្ទទាញមើលតំបន់ណាមួយអ្នកពេញចិត្ត។ ពេលនោះកម្មវិធីនឹងផលិតវីដេអូថ្មីកម្រិត ១០៨០P ចេញពីវីដេអូកម្រិត ៥.២K។

គុណភាពរូបភាព និងវីដេអូ

Fusion ចាប់យកទិដ្ឋភាពមាន Resolution ៥២២៨ x ២៦២៤ នៅកម្រិត ៣០ Frames ក្នុងមួយវិនាទី ដែលជាកាមេរ៉ា VR មាន Resolution ខ្ពស់ជាងគេ។

មុខងារទប់លំនឹងលើកាមេរ៉ានេះ មានដំណើរការល្អ អាចស្ទើរតែលុបបំបាត់នៃការរង្គើ សូម្បីតែពេលដើរថត។ ចំណែក ពណ៌បង្ហាញបានល្អ រូបភាពមានភាពច្បាស់។

Fusion អាចចាប់យករូបភាពទិដ្ឋភាព ៣៦០ដឺក្រេ ក្នុងទំហំ ១៨MP។ រូបភាពចេញមកច្បាស់ល្អ តែមាន Noise តិចតួចអាចទទួលបាន ពេលថតនៅកន្លែងងងឹត។ ម្យ៉ាងទៀត ការថតសំឡេងសម្រាប់វីដេអូក៏ចាប់បានច្បាស់ល្អផងដែរ ពីអ្នកនៅជុំវិញ។

កម្មវិធី GoPro នៅលើទូរសព្ទក៏អាចឲ្យអ្នកចែករំលែករូបភាព ៣៦០ ដឺក្រេទៅកាន់បណ្ដាញសង្គមដូចជា Facebook បានផងដែរ។

ពេលអ្នកថតវីដេអូកម្រិត ៥.២K គួរស្រគួរថ្មសម្រាប់ប្ដូរ ដោយសារ Resolution ធំ ថ្មអាចទប់ទល់បានតែជាង ១ ម៉ោងប៉ុណ្ណោះ។

វីដេអូ១៖