បាមួយកន្លែងនឹងបញ្ចុះតម្លៃម៉ាអេមដល់អតិថិជន ឲ្យតែព្រមអនុវត្តន៍វិន័យតឹងរ៉ឹងមួយ
- 2018-02-24 09:29:17
- ចំនួនមតិ 0 | ចំនួនចែករំលែក 0
បាមួយកន្លែងនឹងបញ្ចុះតម្លៃម៉ាអេមដល់អតិថិជន ឲ្យតែព្រមអនុវត្តន៍វិន័យតឹងរ៉ឹងមួយ
ចន្លោះមិនឃើញ
ផាប់មួយកន្លែងនឹងបញ្ចុះតម្លៃ ដល់អតិថិជន របស់ពួកគេ ២៥% ឲ្យតែភ្ញៀវដែលចូលមកហាងនេះព្រមចាក់សោទូរស័ព្ទ ដាក់ក្នុងប្រអប់ ទុកលើតុ រួចហុចសោឲ្យអ្នកបម្រើជាអ្នកទុកឲ្យ។
បាដែលមានឈ្មោះថា Fat Boar នៅភាគខាងជើងប្រទេសវែល បង្កើតកម្មវិធីបញ្ចុះតម្លៃភ្ជាប់ជាមួយលក្ខខ័ណ្ឌបែបនេះ គឺធ្វើយ៉ាងណាដើម្បីឲ្យមនុស្សដែលចូលមកហាងពួកគេអាចមានពេលវេលាខ្លះ ជាមួយគ្រួសារ មិត្តភក្តិ ឬ មនុស្សជាទីស្រលាញ់ ជាងផ្តោតការយកចិត្តទុកដាក់ទៅលើតែទូរស័ព្ទ។
ស្តាប់មើលទៅដូចជាមិនតឹងរ៉ឹងទេ ក៏ប៉ុន្តែមនុស្សទូទៅភាគច្រើននាពេលបច្ចុប្បន្នសឹងតែអត់ទូរស័ព្ទ និង អ៊ីនធឺណិតលែងបាន ម្ល៉ោះហើយបានជាម្ចាស់ហាងខាងលើឈ្មោះ Jade Darlington បាននិយាយថាលោកឃើញភ្ញៀវអង្គុយតុជាមួយគ្នា រង់ចាំម្ហូប តែពួកគេមិននិយាយគ្នា ភ្នែកសម្លឹងតែអេក្រង់ទូរស័ព្ទ។
"ប្រសិនបើយើងអាចធ្វើអ្វីមួយ ដើម្បីអាចលើកទឹកចិត្តឱ្យមនុស្សដាក់ទូរស័ព្ទពួកគេចុះ ហើយផ្តោតអារម្មណ៍លើគ្នាទៅវិញទៅមក ហើយមានវេលាដ៏សប្បាយរីករាយជាមួយពួកយើង នោះខ្ញុំគិតថាវាជារឿងល្អ"។ Jade Darlington បាននិយាយ៕