នៅចុងឆ្នាំនេះ Google Assistant នឹងអាចប្រើបាន ៣០ ភាសា

2018-02-25 02:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្ន Assistant អាចឆ្លើយតបជាអក្សរបាន ៨ ភាសាលើទូរសព្ទ Android រួមមាន អង់គ្លេស បារាំង អាល្លឺម៉ង់ អ៊ីតាលី ជប៉ុន កូរ៉េ អេស្ប៉ាញ និង Brazilian Portuguese។

Google Assistant ពីរបីខែទៀត នឹងអាចឆ្លើយតបអក្សរជាភាសា Danish, Dutch, Hindi, ឥណ្ឌូណេស៊ី, Norwegian, Swedish និង ថៃ លើទូរសព្ទ Android និង iPhone។ ចំណែកនៅចុងឆ្នាំនេះ Assistant នឹងអាចប្រើបានជាង ៣០ ភាសា។

Google Home smart speaker

Google Assistant ក៏នឹងអាចយល់ពីភាសាជាច្រើនផងដែរ នៅឆ្នាំនេះ ជៀសជាងត្រឹមមួយភាសា។មុខងារនេះចាប់ផ្តើមពី ភាសាអង់គ្លេស បារាំង និងអាល្លឺម៉ង់ ព្រមទាំងភាសាបន្តបន្ទាប់ទៀត បច្ចុប្បន្ន Assistant លើ Google Home smart speaker អាចកំណត់ឲ្យយល់បានជាមួយភាសា អង់គ្លេស បារាំង អាល្លឺម៉ង់ ឬជប៉ុន។

Google ក៏បានបញ្ជាក់ដែរថា នៅសប្តាហ៍ក្រោយ ក្រុមហ៊ុននឹងបន្ថែមមុខងារពីរទៅកាន់ Assistant រួមមាន៖

Routines៖ អាចឲ្យ Assistant ធ្វើការច្រើនយ៉ាង ដោយប្រើពាក្យបញ្ជាតែមួយដង។
Reminders៖ អាស្រ័យលើទីតាំង អាចឲ្យអ្នកកំណត់ Reminders លើទូរសព្ទអាស្រ័យលើទីតាំងអ្នក។ ដូច្នេះ Assistant នឹងរំលឹកអ្នក ដូចជាការទិញឥវ៉ាន់ជាដើម៕