iPhone ជាប់គាំងត្រឹម Updating iCloud ធ្វើអីមិនកើត នេះជាដំណោះស្រាយ!

2018-02-27 02:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចម្ងល់ពីប្រិយមិត្តបានចោទសួរមក Sabay នៅពេលចង់ដំឡើងជំនាន់ iOS តាមរយៈ Settings > General > Software Update ដល់វគ្គ Download ចប់ វាក៏ Restart ម៉ាស៊ីន ហើយទាមទារឲ្យយើងបញ្ចូល Apple ID និង Passcode ប៉ុន្តែភ្លាមនោះក៏នៅគាំងជាប់ត្រឹមពាក្យ Updating iCloud Settings រហូតដល់ខ្ទង់មួយម៉ោងក៏ថាបាន។

រូបតំណាងបញ្ហា

មានដំណោះស្រាយប្លែកៗពីគ្នា ដោយអ្នកប្រើប្រាស់អាចសាកល្បងអនុវត្តបាន មុនឈានដល់ជំហានចុងក្រោយនៃការ Restore ម៉ាស៊ីនថ្មីទាំងមូល។

+ឲ្យប្រាកដថា ID ដំណើរការពេញលេញជាមួយ iCloud:

ចូលទៅគេហទំព័រ iCloud Support website
វាយបញ្ចូល Apple ID > ចូល System Status បើគ្រប់យ៉ាងមានសញ្ញាពណ៌បៃតង ចូលរំលងទៅជំហានបន្ទាប់
ចូលទៅ iCloud.com រួចវាយបញ្ចូល Apple ID ដើម្បីប្រាកដថាដំណើរការ។

+Force Restart iPhone:

ការ Restart ម៉ាស៊ីន/Force Restart ធម្មតា ពុំបានធ្វើឲ្យបាត់បង់ទិន្នន័យក្នុងម៉ាស៊ីននោះឡើយ។

iPhone 7 ឡើង: ចុចប៊ូតុង Sleep/Wake (On/Off) ឲ្យជាប់ព្រមគ្នានឹង Volume Down រហូតដល់លោត Logo Apple
iPhone 6s Plus ចុះ: ចុចប៊ូតុង Sleep/Wake (On/Off) ឲ្យជាប់ព្រមគ្នានឹង Home រហូតដល់លោត Logo Apple។

+ករណី Authentication Error:

បើកំពុងជាប់គាំងស្រាប់តែលោតសារ Authentication Failed សូមធ្វើតាមជំហានខាងក្រោម:

ចូលទៅគេហទំព័រ appleid.apple.com
ចុចលើពាក្យ Manage Your Apple ID
វាយបញ្ចូល Apple ID និង Password
ធ្វើតាមជំហាននីមួយៗដើម្បីធ្វើការ Reset Password ថ្មី។

+ជំហាន Restore ម៉ាស៊ីនថ្មីតាម iTunes:

ការ Update តាមកុំព្យូទ័រដោយប្រើប្រាស់ iTunes ថ្វីបើមិនបាត់បង់ឯកសារ តែក៏ត្រូវការពារក្នុងការ Backup ឬ Copy ទុកជាមុន សឹម Update ជៀសវាងមានបញ្ហាដាច់អ៊ីនធឺណិតឬគាំងជាប់ត្រង់ប្រការណាមួយ។ ដើម្បី Update ទៅ iOS ជំនាន់ក្រោយ អ្នកត្រូវ:

ដោតឧបករណ៍ទៅកុំព្យូទ័រតាមខ្សែ USB
បើកកម្មវិធី iTunes លើកុំព្យូទ័រ
ចុចត្រង់ Logo Device របស់យើង > រើសយកពាក្យ Check for Update > យក Download and Update
រង់ចាំប្រហែល ១០ ទៅ ១៥ នាទីជាការស្រេច។

#បើមានចម្ងល់អី អាច inbox មកកាន់ផេក Sabay Tech៕