Canon បញ្ចេញកាមេរ៉ា Mirrorless អាចថតវីដេអូ 4K ថ្លៃជិត ៨០០ ដុល្លារ

2018-02-27 03:54:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតកាមេរ៉ា Canon បានប្រកាសចេញកាមេរ៉ាម៉ូដែល EOS M50 ជាកាមេរ៉ាប្រភេទ Mirrorless ដំបូងគេរបស់ Canon ដែលអាចថតវីដេអូបានដល់កម្រិត 4K។

M50 មានប្រើប្រាស់ Sensor APS-C CMOS កម្រិត ២៤,‌១ មេហ្គាភីកសែល ដែលមាន ISO ចន្លោះពី ១០០ – ២៥៦០០។ Sensor របស់ M50 នេះមានបំពាក់នូវបច្ចេកវិទ្យា Dual Pixel ដែលអាច Focus បានរហ័ស និងច្បាស់ សម្រាប់ការថតរូបភាព និងវីដេអូ។

ចំពោះការថតវីដេអូ កាមេរ៉ានេះអាចថតយកវីដេអូបានក្នុងកម្រិត 4K នៅល្បឿន ២៤ ប្លង់/វិនាទី, 1080p នៅល្បឿន ៦០ ប្លង់/វិនាទី និង 720p នៅល្បឿន ១២០ ប្លង់/វិនាទី។ ខាងក្រោមនេះជាវីដេអូ 4K ថតដោយ M50 ៖

កាមេរ៉ានេះមានបំពាក់ដោយអេក្រង់បង្ហាញទំហំ ៣ អ៊ីញប្រភេទ LCD Touchscreen ដែលអាចប្រើដើម្បីចុច ឬ ទាញ Autofocus ទៅកាន់ទីតាំងណាមួយ ដោយប្រើម្រាមដៃ។

សមត្ថភាពផ្សេងទៀតរួមមាន ដំណើរការ Process រូបភាព DIGIC 8, Eye Detection Autofocus, 5-axis Image Stabilization, Flash, Wi-Fi/NFC/Bluetooth និងមុខងារ Silent Mode ដែលថតដោយមិនបញ្ចេញសំឡេង។

Canon EOS M50 នឹងមានលក់លើទីផ្សារបរទេស ក្នុងខែមេសា ដោយតួខ្លួនកាមេរ៉ាមានតម្លៃ ៧៨០ដុល្លារ និងអាចថែមយកឡេន EF-M 15-45mm f/3.5-6.3 IS STM តម្លៃឡើងដល់ ៩០០ ដុល្លារ ឬអាចយកឡេន EF-M 55-200mm f/4.5-6.3 IS STM ដែលតម្លៃសរុបឡើងដល់ ១ ២៤៩ ដុល្លារ ៕