រឿងដែល Nychaa ធ្លាយព័ត៌មានមិនពិតវាយបុរសម្នាក់របួសនោះ នឹងបញ្ចាំងម្តងទៀតហើយ

2018-02-27 09:02:33
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងភាគថៃ«ក្រមុំលាក់ខ្លួន»ឬ Nang Ay ត្រូវបានលើកយកមកផលិតជាលើកទីបីតែសន្ទុះនៃការគាំទ្រនៅតែខ្លាំង

ផលិត៣ដងឡើងវិញហើយ សន្ទុះគាំទ្រវិញអត់ថយសោះ

ខ្សែភាពយន្តភាគថៃរឿង៖ "ក្រមុំលាក់ខ្លួន" ឬ Nang Ay ត្រូវបានផលិតចំនួនបីលើកមកហើយ ដោយលើកទីមួយក្នុងឆ្នាំ ១៩៩០ សម្តែងដោយ Mam Jintara Sukapat ចាប់ដៃគូជាមួយ Santisuk Promsiri (Noom) និងលើកទីពីរ ក្នុងឆ្នាំ ១៩៩៥ សម្តែងដោយ Joy Sirilak Pongchoke និង Johnny Anfone ដោយឡែកសម្រាប់ការផលិតលើកទីបីនេះ ក៏ទទួលបានការគាំទ្រយ៉ាងច្រើនលើសលប់ ហើយក៏ជារឿងភាគដែលនឹងត្រូវមានវត្តមាននៅលើកញ្ចក់ទូរទស្សន៍ PNN បន្ទាប់ពីរឿង «ចុងភៅកម្លោះ»។

«ក្រមុំលាក់ខ្លួន» ដែលផលិតជាលើកទីបីនេះ តួប្រុសសម្តែងដោយ Grate និង តួស្រី Nychaa រួមនិងតារាប្រុសស្រីល្បីៗជាច្រើនទៀត។

ខ្សែភាពយន្តនេះជាប្រភេទមនោសញ្ចេតនា លាយឡំនិងកំប្លែង ដែលនិយាយពីក្មេងស្រីអាយុ១៧ឆ្នាំ Nang (Nycha) ត្រូវបានឪពុកដែលជារដ្ឋមន្ត្រីម្នាក់ បានបញ្ជូននាងឲ្យទៅសិក្សាឆ្ងាយពីផ្ទះនៅ Pennag Malaysia ដែលជាសាលាអប់រំផ្លូវចិត្ត មានឈ្មោះថា Victoria នាងត្រូវរស់នៅជាមួយក្មេងស្រីជាច្រើនទៀត និង រៀនពីរបៀប និង ធ្វើយ៉ាងណាអោយក្លាយជាសុភាពនារី ដោយដូនជីជាអ្នកបង្រៀន។

ហេតុផលដែលឪពុករបស់នាងបញ្ចូននាងទៅគឺដោយសារ មានព័ត៌មានមិនពិតមួយលេចឮថា Nang (Nycha) បានវៃបុរសម្នាក់ ជាមួយព័ត៌មានមួយនេះហើយធ្វើឲ្យឪពុករបស់នាងលែងជឿជាក់លើនាង ហើយក៏បញ្ចូននាងទៅសិក្សានៅទីនោះ។

នៅ Penang, Nang បានជួបនឹងបុរសសង្ហា និង ជាមនុស្សម៉ឹងម៉ាត់ម្នាក់ដែលជាជនជាតិថៃឈ្មោះ Thanatip (Grate) ដែលមានតួនាទីជាអ្នកកាន់វិន័យសម្រាប់សិស្សក្នុងសាលា។ បុរសសង្ហារូបនោះតែងតែរម្លឹកឲ្យ Nang អនុវត្តតាមច្បាប់របស់សាលាហើយលោកក៏ជាប្រភេទមនុស្ស ដែលចូលចិត្តឲ្យសិស្សក្លាយជាមនុស្សមានអាកប្បកិរិយាល្អ និងគោរពច្បាប់ទាំងអស់របស់សាលា ប៉ុន្តែសម្រាប់ Nang វិញបានធ្វើឲ្យគ្រប់យ៉ាងផ្លាស់ប្តូរ។

តើនាងបានធ្វើឲ្យមានការផ្លាស់ប្តូរអ្វីខ្លះ?

សូមកុំភ្លេចរង់ចាំតាមដានទស្សនារឿង "ក្រមុំលាក់ខ្លួន" ដែលនឹងចាក់ផ្សាយចាប់ពីថ្ងៃទី០១ ខែមីនា វេលាម៉ោង ១២:០០ ដល់ម៉ោង ១:០០ រសៀល បន្ទាប់ពីរឿង «ចុងភៅកំលោះ» នៅលើកញ្ចក់ទូរទស្សន៍PNN៕

ទស្សនាឈុតខ្លីសូមចុច៖

ដោយ៖ ថា ម៉ាលីដា