មកដឹងពីប្រភពចំណូលនិងទ្រព្យសម្បត្តិរបស់ Neymar

2018-02-27 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Neymar បានក្លាយជាកីឡាករមានតម្លៃខ្លួនថ្លៃជាងគេ ក្រោយផ្លាស់ចេញពី Barcelona មកកាន់ក្លឹបអ្នកមាន Paris Saint-Germain ក្នុងតម្លៃ១៩៨លានផោន។ មកទឹកដីបារាំងកីឡាករប្រេស៊ីលរូបនេះហាក់កើនសន្ទុះកេរ្តិ៍ឈ្មោះ និងកំពុងជួយ PSG ឈរកំពូលតារាង Ligue 1។ ដឹងទេក្នុងភាពជោគជ័យលើវិស័យបាល់ទាត់ តើ Neymar មានទ្រព្យធនប៉ុន្មាន?

កីឡាករវ័យ២៦ ដែលកំពុងមានរបួសកជើងមិនអាចជួយក្រុមប៉ះ Real នៅជើងទី២ UCL មានទ្រព្យសម្បត្តិ៩៩,៨លានផោន (១៤០លានដុល្លារ)។ ក្នុងអាជីពបាល់ទាត់បច្ចុប្បន្នក្នុងមួយឆ្នាំគេទទួលបាន៣៣លានផោន (៤៦លានដុល្លារ)។

មានន័យថាការរួមរស់នៅក្លឹប PSG អតីតកីឡាករ Santos រូបនេះទទួលបានប្រាក់បៀវត្សរ៍២,៧លានផោនក្នុងមួយខែ ប្រមាណ៦០ម៉ឺនផោនក្នុង១សប្ដាហ៍ ដូច្នេះ១ម៉ោងគេរកបាន៤ ០០០ផោន។ គិតតាមចំណូលនេះគឺលើសមិត្តរួមក្រុមទាំងអស់នៅ PSG។ ក្រៅចំណូលពីបាល់ទាត់កីឡាករធ្លាប់ជួយប្រេស៊ីលបានមេដាយមាសអូឡាំពិក២០១៦ ក៏បានលុយពីក្រុមហ៊ុនឧបត្ថម្ភ(sponsorship)ជាច្រើនទៀតដែរ មានដូចជា Nike, Gillette, Beats Electronics និង Red Bull៕