បើអ្នកជាអ្នកគាំទ្រ LG ពិតប្រាកដ ត្រូវដឹងបច្ចេកវិទ្យា AI ប្រើក្នុង LG V30S ThinQ

2018-02-28 02:56:52
ចំនួនមតិ 0 | ចំនួនចែករំលែក 0

ចន្លោះមិនឃើញ

LG V30S ThinQ ជាស្មាតហ្វូនផ្ដោតសំខាន់លើបច្ចេកវិទ្យា Artificial Intelligence (AI) ដើម្បីពង្រឹងបទពិសោធន៍អ្នកប្រើប្រាស់ រួមមាន មុខងារបញ្ជាដោយសំឡេង ការថតរូប និង Interface។

LG បានប្រើប្រាស់បច្ចេកវិទ្យា AI លើផលិតផលរបស់ខ្លួនជាច្រើន រួមមាន Internet of Things (IoT) និង Smart speaker។ អាចនិយាយថា LG V30S ជាស្មាតហ្វូនដំបូង មានអនុភាពលើបច្ចេកវិទ្យាទាំងនេះ។

ក្រុមហ៊ុន LG លើកឡើងថា ខ្លួនផ្ដោតសំខាន់លើកាមេរ៉ា និងមុខងារសម្គាល់សំឡេង (Voice recognition) ហើយជាលទ្ធផលមាន Vision AI ដែលអាចជួយពង្រឹងសមត្ថភាពកាមេរ៉ា ខណៈ Voice AI ជួយដល់មុខងារសំឡេង។

Vision AI លើស្មាតហ្វូនមានធាតុបីសំខាន់ក្នុងកាមេរ៉ា រួមមាន AI CAM, QLens និង Bright Mode។ សមាសធាតុទាំងនេះ ជួយពង្រឹងសមត្ថភាពថតរូបកាន់តែជ្រាលជ្រៅ សម្រាប់អ្នកនិយមថតរូបតាមទូរសព្ទ។

AI CAM វិភាគ Subject ក្នុង Frame និងណែនាំ Shooting mode ដ៏ល្អមួយអាចជា Portrait, Food, Pet, Landscape, City, Flower, Sunrise និង Sunset។ រាល់ Mode ទាំងនេះ ពង្រឹងគុណភាព Subject ជាមួយនឹងកត្តាជាច្រើនដូចជា មុំទិដ្ឋភាព ពណ៌ និងពន្លឺ។

QLens ស្រដៀងនឹងបច្ចេកវិទ្យា Google Lens ដែលមានសមត្ថភាពសម្គាល់រូបភាពកម្រិតចុងក្រោយ។ វាស្រដៀងនឹង អ្វីអ្នកបានឃើញលើស្មាតហ្វូនរបស់ Motorola ដូចជា Moto Z2 Force និង Moto X4 RAM 6GB។

បច្ចេកវិទ្យា QLens របស់ LG អាចឲ្យទូរសព្ទស្កេន QR code និងថតរូបភាព ស្វែងរកព័ត៌មានទាក់ទង ដូចជាកន្លែងទិញលើ Online ជាមួយនឹងតម្លៃទាប។ នេះជាការលើកឡើងរបស់ក្រុមហ៊ុន LG។

Voice AI អាចឲ្យអ្នកប្រើប្រាស់បើកកម្មវិធី និងផ្លាស់ប្ដូរ Settings ដោយបញ្ជាតាមសំឡេង។ AI នេះដំណើរការជាមួយ Assistant របស់ Google។ LG អះអាងថា មុខងារសម្គាល់សំឡេង AI ធ្វើឲ្យអ្នកប្រើប្រាស់កាន់តែងាយស្រួលស្រាវជ្រាវជម្រើសនានាលើស្មាតហ្វូន។

បន្ថែមពីអត្ថបទមុន LG V30S ThinQ អាចប្រើ microSD card ទំហំដល់ទៅ 2TB។ ស្មាតហ្វូនមានកាមេរ៉ាពីរគ្រាប់នៅខាងក្រោយ មួយមាន Sensor ទំហំ 16Megapixel ជាមួយ Aperture f/1.6 និង មួយគ្រាប់ទៀតជាប្រភេទ Wide-angle មាន Sensor ទំហំ 13Megapixel ជាមួយ Aperture f/1.9៕