មានចាប់អារម្មណ៍ទេ Couple Run ផ្លាស់ប្ដូរ Logo ជាពិសេសសម្រាប់រដូវកាលទី៣នេះ
- 2018-02-28 10:30:20
- ចំនួនមតិ 0 | ចំនួនចែករំលែក 0
មានចាប់អារម្មណ៍ទេ Couple Run ផ្លាស់ប្ដូរ Logo ជាពិសេសសម្រាប់រដូវកាលទី៣នេះ
ចន្លោះមិនឃើញ
ជាធម្មតា Logo របស់ផលិតផលមួយ ឬ កម្មវិធីមួយមិនងាយធ្វើការផ្លាស់ប្ដូរនោះទេ ព្រោះវាបានបញ្ជាក់ពីអត្តសញ្ញាណ និងរក្សានូវអត្ថន័យក្នុងគោលបំណងបង្កើតវា ។
យ៉ាងណាមិញ កម្មវិធី Couple Run ឬ កម្មវិធីរត់ជាគូនេះ ពិតជាខុសពីកម្មវិធីផ្សេងៗ ព្រោះថាបើសង្កេតមើលតាំងពីឆ្នាំទីមួយក្នុងការបង្កើតកម្មវិធី Couple Run មក គឺបានធ្វើការផ្លាស់ប្ដូរផ្សេងៗគ្នា។
លោក មុត បញ្ញា ប្រធានផ្នែកលក់និងទីផ្សាររបស់ក្រុមហ៊ុន Watch Empire ដែលនាំចូលម៉ាកនាឡិការដៃ Ice-Watch Versus Versace Nautica ហើយក៏អ្នករៀបចំកម្មវិធីនេះបានឲ្យដឹងថា៖ "ចំពោះកម្មវិធីរដូវកាលទីមួុយនិងទីពីរ គឺយើងចាប់ផ្ដើមបង្កើត Logo ផ្ដោតទៅលើភាពស្រស់ស្អាតនៃទិវាសេចក្ដីស្រលាញ់ ដោយការរៀបចំកម្មវិធីទាំងមូលបានផ្ដោតទៅលើការបកស្រាយផ្សេងៗចំពោះសេចក្ដីស្រលាញ់រវាង គ្នានិងគ្នា"។
ដោយឡែកចំពោះរដូវកាលទីបីវិញ លោក បានបន្តថា៖ "Logo កម្មវិធីឆ្នាំនេះបានបង្កើតឡើងជាពិសេស ដែលបង្ហាញពីស្ត្រីនិងកុមារ កម្មវិធីបានយករូបបាតដៃមកតំណាង ដោយបាតដៃធំជាមាតា បាតដៃតូចជាកូន ឬកុមារក្នុងកម្ពុជា ដើម្បីបញ្ជាក់ពីគោលបំណងកម្មវិធីឆ្នាំនេះ ដែលលើកកម្ពស់ទៅលើស្ត្រីសម្រាប់ការចូលរួមការងារផ្សេងៗរបស់សង្គម និង ភាពជាមាតាពិភពលោកដែលតែងផ្ដល់ក្ដីស្រលាញ់ទៅឲ្យកូនៗ និងការបំផុសស្មារតីជួយទៅដល់មន្ទីពេទ្យគន្ធបុប្ផា ដែលជាមន្ទីរពេទ្យតែងតែជួយសង្គ្រោះទៅដល់កុមារកម្ពុជា"។
បន្ថែមលើនេះ ក៏ឃើញមានរូបប្រាសាទអង្គវត្តកំពូលបី ដោយតំណាងទៅលើទីតាំងក្នុងការរៀបចំកម្មវិធី គឺស្ថិតក្នុងខេត្តសៀមរាប ក្នុងគោលបំណងផ្សព្វផ្សាយពីតំបន់ទេសចរណ៍ និងប្រាសាទអង្គវត្តដែលជាតំណាងរបស់ជាតិ។ ឯរូបផ្សែងពណ៌ចម្រុះ បញ្ជាក់ទៅលើការបញ្ចូលល្បែងកម្សាន្តថ្មី គឺការលេងម្សៅពណ៌នៅក្នុងកម្មវិធីផងដែរ។ លោក មុត បញ្ញា បន្ថែម។
Couple Run នឹងរៀបចំឡើងនៅថ្ងៃទី ៨ មិនា ដែលត្រូវនឹងទិវាសិទ្ធនារី ដោយទីតាំងស្ថិតក្នុងផ្សាររាត្រីផាមកុងតឺន័រខេត្ត សៀមរាប។
អ្នកអាចទំនាក់ទំនងទិញសំបុត្រនៅហាងនាឡិកាដៃ Ice-watch ដែលមានលេខទូរសព្ទ ០៩៥ ៨៨៨៨ ៥០ ឬ តាមស្តង់លក់សំបុត្ររបស់យុវជនស្ម័គ្រចិត្តនៅក្នុងខេត្តសៀមរាប៕