ការ​ប្រកួត​ពាន​ធំ​ទី​ពីរ​របស់​អ៊ីតាលី​ Coppa Italia បាន​រក​ឃើញ​ក្រុម​២​ឡើង​ទៅ​វគ្គ​ផ្ដាច់ព្រ័ត្រ​ហើយ​គឺ​ Juventus ត្រូវ​ប៉ះ​នឹង​ AC Milan។

ការ​ប្រកួត​វគ្គ​ពាក់​កណ្ដាល​ផ្ដាច់ព្រ័ត្រ​ក្រុម​រហស្សនាម​ថា​សេះ​បង្កង់​បាន​យក​ឈ្នះ​ Atalanta fc សរុប​ទាំង​ពីរ​ជើង​ ២-០ ខណៈ AC Milan ដែល​ស្មើ​គ្នា​ ០-០ ទាំង​ពីរ​ជើង​ជាមួយ​ Lazio នោះ​បាន​យក​ឈ្នះ​ដោយ​បាល់​ប៉េណាល់ទី​កាត់​សេចក្ដី​ដោយ​លទ្ធផល​ប្រកៀកប្រកិត​គ្នា​ ៥-៤។

ការ​ប្រកួត​វគ្គ​ផ្ដាច់ព្រ័ត្រ​ Coppa Italia រវាង​ Juventus និង​ AC Milan នឹង​ប្រព្រឹត្តិ​ទៅ​នៅ​ថ្ងៃ​ទី​៩ ខែ​ឧសភា​ ឆ្នាំ​២០១៨។

ពាន​ដែល​បង្កើត​ឡើង​តាំង​ពី​ឆ្នាំ​១៩២២​មួយ​នេះ​ធ្លាប់​ឈ្នះ​ដោយ​ Juventus ច្រើន​ជាង​គេ​ពោល​គឺ​១២​ដង​ហើយ​ Juventus ក៏​ជា​ជើង​ឯក​ចាស់​ដែរ​នៅ​​រដូវ​កាល​មុន។ AC Milan ធ្លាប់​ឈ្នះ​៥​ដង​​ តែ​ខកខាន​លើក​ពាន​តាំង​ពី​ឆ្នាំ​២០០៣​មក៕​

ប្រភព៖ BBC   ប្រែសម្រួល៖ វីរ័ត្ន