កូនស្រី ដូណាល់ ត្រាំ ទាំងស្អាត និងឆ្លាត រកលុយក៏ពូកែទៀត!

2018-03-01 04:12:38
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកស្រី Ivanka Trump ប្រហែលជាទទួលបានមរតករូបរាងពីម្ដាយ និងការយល់ដឹងអំពីអាជីវកម្មពីឪពុក ប៉ុន្តែនាងក៏ជាបុគ្គលមានអំណាច និងឥទ្ធិពលមួយរូបផងដែរ។

អ្នកស្រី Ivanka បានកើតនៅថ្ងៃទី ៣០ ខែ តុលា ឆ្នាំ ១៩៨១ បច្ចុប្បន្នមានអាយុ ៣៦ ឆ្នាំ។ កូនស្រីទី ២ របស់ប្រធានាធិបតីអាមេរិករូបនេះ បានដើរតាមគន្លងរបស់ឪពុកនាង ដោយបន្តអាជីពផ្នែកជំនួញ។

តើអ្នកស្រី Ivanka មានទ្រព្យសម្បត្តិប៉ុន្មាន?

គេហទំព័រ Celebrity Net Worth បានប៉ាន់ប្រមាណថា អ្នកស្រី Ivanka មានទ្រព្យសម្បត្តិចំនួន ៣០០ លានដុល្លារ។

បើយោងតាមគេហទំព័រ New York Times បានបង្ហាញថា អ្នកស្រី និង ស្វាមី មានទ្រព្យសម្បត្តិសរុបរហូតដល់ ៧៤០ លានដុល្លារ។ ប៉ុន្តែក្រោយមក គេហទំព័រ CNN បានរាយការណ៍ថា តួលេខអាចឡើងដល់ ៧៦២ លានដុល្លារ។

តើអ្នកស្រី Ivanka រកប្រាក់ចំណូលដោយរបៀបណា?

អ្នកស្រីបានធ្វើការជាមួយក្រុមហ៊ុន Trump Organization , មានក្រុមហ៊ុនមួយផ្ទាល់ខ្លួន និង ធ្វើការនៅឯសេតវិមានទៀតផង។ ម៉ាកផ្ទាល់ខ្លួនរបស់ អ្នកស្រី Ivanka ត្រូវបានគេប៉ាន់ប្រមាណថាមានតម្លៃ ៥០ លានដុល្លារ។

មិនតែប៉ុណ្ណោះ អ្នកស្រីក៏មានភាគហ៊ុនចន្លោះពី ៥ ទៅ ២៥ លានដុល្លារ នៅក្នុងសណ្ឋាគាររបស់ឪពុក Trump International Hotel នៅក្នុងទីក្រុង Washington D.C ទៀតផង។

លើសពីនេះ អ្នកស្រី និងស្វាមី ត្រូវបានគេរាយការណ៍ថា មានបណ្ដុំសិល្បៈដែលមានតម្លៃប្រហែល ២៥ លានដុល្លារ។ ទោះបីជាយ៉ាងណា អ្នកស្រីធ្វើការនៅសេតវិមាន មិនទទួលបានប្រាក់ឈ្នួលនោះទេ៕