ស្បែកជើងសម្រាប់តែមន្ត្រីជាន់ខ្ពស់កាលជាង៤០ឆ្នាំមុន កំពុងចរាចរលក់តាមដងផ្លូវនៅភ្នំពេញ

2018-03-02 04:09:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្បែកជើងផលិតក្នុងស្រុកដែលពលរដ្ឋខ្មែរនៅចុងទសវត្សរ៍ឆ្នាំ១៩៧០មិនសូវមានពាក់ នៅតែមានជីវិតនៅឡើយរហូតមកដល់ពេលនេះ។ ស្បែកជើងធ្វើពីសម្បក និងពោះវៀនរថយន្តនៅក្នុងសម័យខ្មែរក្រហមពីឆ្នាំ១៩៧៥ ដល់ដើមឆ្នាំ១៩៧៩ មិនមែនពលរដ្ឋខ្មែរគ្រប់គ្នាមានពាក់នោះទេ។ នេះបើតាមការលើកឡើងរបស់អ្នកលក់ស្បែងជើងកង់ឡានវ័យ៨៥ឆ្នាំ។

(លោក សំរិទ្ធ អ៊ុន អ្នកលក់ស្បែកជើងកង់ឡានជាង២០ឆ្នាំ កំពុងលក់ស្បែងជើងឲ្យអតិថិជននៅខាងមុខវត្តជម្ពូវ័ន្ត ភ្នំពេញ)

លោក សំរិទ្ធ អ៊ុន ប្រកបរបរលក់ស្បែកជើងកង់ឡានតាំងពីដើមទសវត្សរ៍១៩៩០។ ដំបូងឡើយលោកបានរៀនផលិតស្បែកជើងប្រភេទនេះពីអ្នកផលិតម្នាក់នៅខេត្តបាត់ដំបង។ ក្រោយពីរៀនចេះ ស្របពេលដែលកម្ពុជាមានការបោះឆ្នោតឆ្នាំ១៩៩៣ លោកក៏បានមកបោះឆ្នោតនិងរស់នៅខេត្តតាកែវ ជាស្រុកកំណើតវិញ។

សម្រាប់ស្បែកជើងមួយគូមានតម្លៃចន្លោះពី១២ ០០០ រៀល ទៅ២០ ០០០រៀល អាស្រ័យលើម៉ូត និងកម្រាស់ស្បែកជើង។ អ្នកលក់ស្បែកជើងដដែលឲ្យដឹង ស្បែកជើងរបស់លោកលក់មិនសូវដាច់ប៉ុន្មានទេនាពេលបច្ចុប្បន្នបើប្រៀបធៀបទៅនឹងការចាប់ផ្តើមលក់ដំបូងៗ។

លោកបន្ថែមថាៈ «មិនសូវមានអ្នកទិញទេអូនឥឡូវ ជួលកាលមួយថ្ងៃបានតែ មួយសម្រាប់ឥហ្នឹង អានេះវាហេងស៊យទេអូន ដើរលក់មិនទៀងទាត់...ខ្ញុំចាស់ហើយមិនដឹងរកស៊ីអី ចេះតែរកស៊ីអាហ្នឹងទៅ...បើនិយាយពីរកស៊ីដំបូងវិញអូនអើយលក់ដាច់ណាស់ស្បែកជើងកង់ឡានហ្នឹង»។

លោករំលឹកថាក្នុងរបបខ្មែរក្រហមលោកមិនមានស្បែកជើងប្រភេទនេះពាក់នោះទេ ហើយអ្នកដែលអាចមានស្បែកជើងកង់ឡាននេះពាក់ ភាគច្រើនជាកម្មាភិបាលរបស់ខ្មែរក្រហម។

លោកបន្តថាៈ «កាលសម័យខ្មែរក្រហមមានតែក្រវាត់កែង គ្មានអ្នកណាចេះធ្វើម៉ូតទេ...ខ្ញុំអត់មានពាក់ទេ...អ្នកពាក់ភាគច្រើនជាអ្នកកម្មាភិបាលអូន...បើធៀបមកឥឡូវខ្ទង់ចៅហ្វាយស្រុក ចៅហ្វាយខេត្តនោះ សុទ្ធតែអ្នកចេះ តែសម្លាប់មនុស្ស...ពលរដ្ឋធ្មតាមិនងាយមានពាក់ទេ យើងគេប្រើឲ្យកាប់ព្រៃ កាប់ដី»។

លោក សំរិទ្ធ អ៊ុន យកស្បែកជើងពីស្រុកត្រាំកក់ ខេត្តតាកែវ ដោយមានអ្នកផលិតសម្រាប់ឲ្យលោកលើកមកលក់បន្ត។ លោកដឹកស្បែកជើងតាមកង់លក់ក្នុងទីក្រុងភ្នំពេញ និងទៅដល់ខេត្តកំពង់ស្ពឺ ហើយប្រហែលជា១០ថ្ងៃម្តងលោកលើកមកលក់ម្តងទៀត៕

អត្ថបទ៖ ទូច សុខា

ពាក្យទាក់ទង

ជីវិតនិងការងារ

អត្ថបទពេញនិយម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

អត្ថបទថ្មី

កាំភ្លើងធំឈរលេខ ១ ប៉ុណ្ណោះអាសន្ន ហើយតាមប្រកិតពីក្រោយដោយ Man City

បុរសសិង្ហបុរីម្នាក់ជាប់ទោស ក្រោយមើលថែឆ្មារបស់ខ្លួនមិនបានល្អ

Liverpool កំពុងតែចរចាជាមួយគ្រូហុល្លង់ម្នាក់ ដើម្បីមកជំនួស Klopp

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤